Ralkap Tender tuan lawng ah mi harsat ka bawmh ti cu; Mipi nan kan tlaih hrem asi ko lo maw?

Frasi le Sadusi Tlangbawi MAH (Saduccees le Pharisees Guide Burma Junta Coup): Parallel Governments (9)
==================
Sabbath Ni cu, thianter uh law, nan ulh lai. MAH nih 2008 Phunghrampi zulh uh a ti ve. Sabbath Ni ah kan Bawipa Jesuh nih Mizaw a dam ter, Mitcaw a dam ter, Mithi a thawh ter, Theipi kung chiat a serh i a car colh, Zulhtu hna he an paw a tam caah mi fanglo an ei hna. Moses Nawlbia le Sabbath Ni na buar tiah, Frasi le Sadusi hna nih, lung cheh an timh. Debate an tuah colh.

Jesuh nih, Sabbath Ni ah na tuurun le Meheh run kha khur ah tla seh law, nan chuah lai lo maw? a ti hna, Kan chuah ko hna lai tiah an leh. Sabbath Ni ah, Satil nakin a sang deuh mi, Abraham fapa hna, thih nak in ka thawh ter, ka dam ter mi hna cu, ziah nan cohlan kun lo tiah, Bawipa nih a ti hna. Arko in le ngang ko in an um i an leh khawh tilo.

Hika ahhin Sabbath Bawipa aum. Sabbath nak in a lian deuh mi aum. Sabbath cu a mah caah asi tiah Bawipa nih a ti hna. Mipi a temtawm tu upadi chiahru le Phungphai vialte kha Jesuh nih a hrawk dih hihiar ko. Cross cung ah a tlinter fawn. Cu caah kaa lim cang, ” It is finished” tiah a chimh dih in, a lu a kun i a cat.

MAH nih upadi ning in, a timi hi, Pathian phung Sabbath nak in a cung nung deuh lai maw? Sabbath le Nawlbia nakin Jesuh a lian ngan deuh btkin, MAH le a upadi hna nakin, Mipi kan cung nung deuh. Mipi nih hihi philh hrim lo awk asi. Mipi temtawn tu le hremtu Upadi vialte Jesuh nih a phoih dih cang. MAH nih an kan temtawn rih mi hi, Jesuh duh ning he aa kalh bak.

A duh poah in Upadi a chuah, a duh poah in a merhsam. 6th August 2021 ah “Care Taker Government” timi “Innkil Cozah” cu a mah tein a derh. Ni Vung nawl aa cawng. Mipi duhning piasen hmanh aa tel bak lo. DASSK le Ram dawtu tampi cu Thiamlo a co ter hna, a Hrem hna, a kahthat hna, a hremthat hna, pohma 505 ee, 54 ee, 27 ee, Constitition pohma 421 in uknak kum thum tiang ka tlaih lai ee, Pohma 417 in ee, vei ee, zei ee tiah MAH nih Mipi kum khua hremh an kan timh cang.

Democracy a ti ko ah cun Community is first, Peoples are priority kha aa fiang hmasat a herh Kawi Aung nih. Democracy timi mipi sin in ara mi Nawl ngeih nak le Mipi nawlvo ning in ram uk hruai kha asi. Democracy biafang cu Greek holh in ara. Mipi Duhning ti kha a muru cu asi. MAH i Innkil Cozah le Ralhrang Ralkap uknak hi Mipi duh ning a ti khawh tu nan um maw?

Cu caah MAH sin ah aa kawp mi poah cu mipi kan ral an si ko. Dalan cu MAH lamkaltu le a gospel team an si caah a hohmanh luat hna hlah seh. Drs. an si pet, Revs le pastors an si pet, mirum le Tender tama asi zong ah, Dalaan cu a hohmanh an luat awk asi hrim lo. Mipi a daw i a bawmh ko mi nih MAH he i pehtlai cu Minung hnakhaw nih a theih duh lo ngai ngai. Ralkap nih Chak hri tlaih mi, Tender tlaih lo le Company tuah loin Mipi dawt le bawmhchan hi a ngah lo maw asi?

Ralkap Tender tuan lawng ah mi harsat ka bawmh ti cu; Mipi nan kan tlaih hrem asi ko lo maw? Revs le Pastors kan si caah mipi himbawm nak caah, Krifa hupphen nak caah Ralkap he kan I chawnh biak asi ti cu: Thlarau le Jesuh in Mipi nan kan tlaihrem asi ko. Jesuh le Thlarau nih luat nak le Zalon nak an kan pe. Nan nih nih Jesuh in nan kan tlaihrem. Laikhal tlangval cu kan lung a mit i lu a rit ko.

Farasi, Saduci mi le Phungbia Cawn piak tu Rabbi Saya hna cu: Moses Nawlbia an zulh i an hmang ko nain, Jesuh nih a cohlan hna lo. MAH le Terapte Tlangbawi rual nih Upadi le phung ning in an ti zong ah Kawlram mipi nih kan cohlan khawh ve hrim lo.

Moses Nawlbia le Sabbath phung in luat ter awk ah, Jesuh cu Cross ah. MAH Misual pa kut in luat ter awk ah Jesuh tum in maw a thih than ne lai? Jesuh nih phung ning lo le temtawn tu vialte Chung in luat ter cang mi kan si. Aho sal hmanh va si ti hlah uh tiah Nawl pek mi zumhtu kan si.

Zungzal sal si nakin luat a duh mi poah nih CNA – CDF lei ah tan uhlaw, zungzal sal si a duh mi le nun Chung ah MAH nih hremhmi si aduh mi poah nih Kawl ralkap lei ah tanh ve ko uh. Na hmai ah thih nak le nunnak pahnih chiah piak na si. Mipi le CDF lei ah a tang lo mi hna nan loh Ni, nan rawk ral Ni cu a ra lio.

MAH nih a thih hlan lo, uk an kan timh. MAH kut in luat awk ah Bawipa sin ah Thla cam law, na Thla cam an leh lai ding cu: CDF kan thlah piak hna, an hnu zulh uh ti hi asi ko lai. Jesuh nih Mipi duh ning kha tlin ter a duh. Cu Mipi duh ning cu Democracy ti asi.

Mipi duh ning kha Pathian nih a thlaw chuah timi tehte cu: Democracy ram poah poah an i Nuam dih, an zalon dih, an rum dih, an fim dih, nun Duhdim an ngei dih, Vawlei ah Vanran nun an tep dih, Eden thar ah nuam tein khua an sa dih, Van mi bang an fim dih, tbkin sithat nak in an khat cikcek, Sithat nak vialte cu; an ram ah tiva bang in a luang fawn. Duhdim nun kan pe hna tiah Jesuh nih a ti mi cu; hi dakaw si fam cu.

Ralhrang Ralkap uknak a Nuam a ti tu nan um rih mi hi cu, a poi tak. Khua ruah har Minung ti cu nan mah hi nan si ko. Satan le Khuachia hmanh nih Saya tiah Salam pekmi MAH le Ralkap nan tlaih chan i nan kawp, a rian nan bawmh, a tender nan tuan, a duh nan tlinter, a lamkaltu nan si, a Gospel Team nan si, a phung bia Cawn piak tu nan si rih.

Zeitindah mipi le CDF nih kan in ngaithiam khawh hna lai? Tuak cikcek fawn tuah u! Innkil Cozah ah PM le President cu MAH asi. 2023 August pinlei lawng ah thimhnak tuah ti asi. 2008 Phunghrampi ah a um lo mi asi. Khoika phung le mumal hmanh ah a um ballo mi asi. NUG Nawl aa cawng Kawi Aung nih. Nihchuak in. Credit: Saya Rung Kaw

Be the first to comment

Leave a Reply

Your email address will not be published.