Ralring Cio Hna Uh Sih Law Mifir Nih An Mawtaw An Fir Ca Ah An Fa Nu Te Nih A Hmuh Hna I A Kal Hnawh Hna I A Mah Tiang In

Mifir pa pakhat nih motor a fir i,a chungah nungak Pakhat ai citmi a um,cu nu zong cu mifir pa nih cun a fir chih lawlaw caah nungaknu a Unu cu bomhnak halin a au len tiah theih a si.A Unu nih cun zaangfahnak tein rak ka bawm hram uh.Nan bomhnak kan herh taktak ko.Kan motor Honda Fit Black,4i- 1215 an kan fir piak.Tuzing 22,5,22 zing nazi 11 hrawng ah kan motor misual nih an kan fir piak.

A hmun hi Lah Tha 23st le 24 St karlak ah a si i,kei cu electronic thilri caw dingin motor chungin ka chuak.Motor thlalang khar in air con kan on. Asinain innka ka lock lo.Minute 10 hrawng ka rau i a hoti theih lomi pa pakhat cu kan motor lei cu a va panh i driver thutnak ah a thut cu ka hei hmuh.Motor cu thinphang ngai buin a mongh.

Motor chung i a um mi ka naunu zong cu ai kalpi.Motor hnulei in ka dawi len hna nain ka phan kho tilo.Asinain ka naunu cu Bayintnshng Lampi, Thiri Mingala bazaar thar ah arak tum ter than.Cu hnuah motor cu ai zaam pi than tiah achim.A motor pungsan le siningpawl chim fiannak a rak tuah dih hnuah a hmu mi hna um sual ah cun pehtlaihnak ding caah phone number zong a rak chiah chih.Ph- 095096850 le an umnak address No.109,18st, Latha TSP ah pehtleih hram dingin zaangfah nawlnak zong a rak tuah.

Thawng dang, Tutan i kan rak tialmi hi naite thawngpang a si i USA Mizo News Youtube Channel ngeitu pa le Sailo Thang a nu nih USA innhrang mi pakhat an va zoh nak kong a si. A video zongin kan rak chiahchih i zoh na duh ah cun a tanglei bik ah a video cu a um lai. Hikong hi mi tampi nih a mak an i i an khuaruah a har tuk cio. Zumtu kan si tik ah muithla kong hi cu a zum he zumlo he kan um hna i , a zum duhlo mi caah cun thil khuaruahhar ngai zong a si lemlo kho men nain , hithil hi a taktak a si caah News ah rak langhter mi a si.

Innhrang mi an va zoh lio i camera man zong a si pah mi USA Mizo News Channel ngeitu pa hi Pu Siamthara ti a si  i a nih hi mi puitling ngai a si. Milar le minthang mi tampi zong intrview a tuah lengmang cangtu a si i Pathian zong a tihmi a si tikah tutan i a youtube channel i a chiahmi video hi ka zumlo ti men awk tha zong a si ve lo.

Hi an va zohmi innhrang(muithla umnak inn)hi akonglam an chim ning ah cun a hlan ah sal an rak tlaihmi hna kha an zaam i , cu a zaam mi hna cu Hannah timi nu nih hin a zang an faktuk i a inn ah a rao dor ter hna. A inn tangcem basement ah a chiah hna i vanchiat ah inn a kaang i cu a dor termi vialte hna cu an zapi tein an thi dih ti a rak si. Cuthok cun hi inn hi biatak tein a hrang thai i a hohmanh nih an umnak ngam tilo ti a si. Hi inn hi a konglam hi USA News le media lian pipi zong nih an tial i New York Times tiang nih a tialmi a si.

Tutan i Pu Siamthar le Sailothang nu an va kal zong ah hin khuaruahhar tuk a simi cu , tha tein camera in an record nain an lawi hnu an camera an van zoh tik ah cun slow motion in a rak um dih i an biachim mi vialte zong kha muithla film kan zoh i an aw bantuk khin a um dih. Cun hi inn an va zohlio i an kir lai te ah hin motor chung an luh bak ah an i cit mi motor hmai lei cu a tthep thluahmah i cansaupi chung cuticun a um. Video record mi ah cun slow motion in a um dih nain cu a thep depdep mi tu cu amah ning tein a rang thiamthiam .

Thilmak ngai cu asi ve ko. Sailonu nih a chimning hna ah cun kan pastor te zong ka kalpi cang hna i thil khuaruahhar mi tete hi tamngai kan tong cang hika hmun ah hin a ti. A video kan chiah chih ko caah a konglam fiangte in theih a duhmi caah cun a video in zoh khawh asi. Mizo holh in a si nain na fiang kho kolai tiah zumhnak ka ngei. Atanglei ah a video in tling tein rak zoh ve tiah kan sawm.

Mikong ceih hmang deuh mi nih rel te uh law Midang kong ceih zong hi a rak tthatnak a um ve hawi cang. Midang kong a ceih lo mi hi an har taktak lai dah. A hlei in Nu pawl lebang hi cu, nu pahnih thum an um ahcun mi kong ceih lo ti a um bal theng lai lo dah. Cucaah midang kong va ceih len hi a tthatnak a um i a hlei in pa nakin nu ca ko ah hin a ttha ti a si.

Mikong a ceih a ttha tiah an chim khawhnak hi hlathlainak tthatein an tuah dih hnu ah a si. Hi hlathlainak a tuah mi hi Italy ram Pavia University nih an tuah mi a si, nu lawng minun 22 thluak umtuning zoh in an hmuhchuah mi a si.Hi bantuk in hlathlainak an tuah nak ahhin.. Nu pawl cu mikong an ceih ter hna. Cu ti mikong an ceih ahcun an thluak in OXYTOCIN timi hormones phukhat a rak chuak. Hi hormones hi dawtnak hormones ti zong ah ti mi a si.

Oxytocin hormones hi nu hna fa an ngeih tik ko ah khin a chuak a tam ti a si. Cucaah nu hna nih fa le an dawtnak hna a tam ter ti a si.Duhnung mi thil, a si loah ramsa duhnung le thil dawh deuh hmuh tik zong ah oxytocin hormones hi a chuak. Hi hormones a rak chuah tik ah duhdawtnak a um, zangfah nak zong kan ngei deuh tiah hlathlainak ah an hmuh.