Ralsa Tarh Ah Lungpi Khuami Pa Pawl Cu Ralhrang Nih An Hman Hna

Lungpi khuami Pa pawl SAC ralkap nih an tlaih hna i ralsa-tarh ah an hman hna

October 12 zaan Falam ah a riak i Hakha lei ah a kal mi SAC ralkap pawl nih Lungpi khuami Pa pawl an tlaih hna i ralsa-tarh ah an hman hna, tiah Cung Ngai nih a facebook cahmai ah a tial.

“Hi hna pawl hi motor 6 le tank 2 in an chuak i 10:45 AM hrawng ah Lungpi khua a phan mi an si. Lungpi khua ah meithal an puah len,” tiah khuami pakhat nih The Hakha Times ah a chim.

Hi kong ah CNF Chimnak Nawlngeitu Salai Htet Ni nih, “SAC ralkap pawl kan kah cang hna,” tiah a facebook cahmai ah a tial i Lungpi khua.
Crd. The Hakha Times

Ralkap pawl nih Myanmar ram mipi pawl cu nan kah hna lai i, an tih lai i an dai te ko lai tiah ralhrang ralkap pawl nih cun an rak i ruah chanh mi le thawng an rak thanh mi a si. Sihmanhsehlaw nihin ah Myanmar ram mipi pawl kan zoh hna tikah cun ralkap pawl an rak ruat mi nak tam in an rak fim caah ralhrng ralkap kut tang in chuahnak lam kha an rak theih diam ai tiah ram mipi pawl he lung khat tein a um mi ralkap Sibawi rian a tuan nak kal tak in CDM a tuah tu Dr. Kyaw Thiha nih a chim. Mynamar ram chung in a um mi ralkap pawl hna hi cu thil hman kha duh lo in, an mah ruahnak lawng in a duh mi an si tiah a ti fon hna.

Cucaah ram mipi pawl caah saduh thahnak nganpi he ralkap rian kan rak tuan mi kha atu ahcun mipakhat pa thatnak ding caah a tuan ding si cu ka duh rumro lo. Cu caah hi ralkap thilthuam in um zong hi ka duh lo cucaah CDM ka tuahnak hi asi tiah a ti. Ram pi nawl neihnak Aa-naa an ting in thawk in, mi cheukhat ralkap pawl hna mi sinah an colh cangh zoh tikah lungthin hi a fak tuk cu caah ralkap rian ka tuan nak kal tak in ram mipi pawl he lungrual tein CDM ah ka lut nak hi a si tiah Dr. Kyaw Thiha nih a chim.

Be the first to comment

Leave a Reply

Your email address will not be published.


*