Ralzam Hna Caah Bawmnak An Pek Hna

Atu lio cu minung lungthin akeng lo mi uihrut hna nih nawlngeih nak an i hruh chih caah hramhram in nawlngeihnak an lakhnu cun, Myanmar ram chung kaakip hmunkip ah harnak kan tongdih. Khua cheukhat cu an um nak an inn an lo an khua an chuahtak i, hmundang ah an zam hna. Zamloin ram chungah aum ko mi hna zong ei le din le azei leipaih in kan har dih.

Cu lio ah cun Pathian nih kan unau ramthum nak aphan nih hna an hman hna i a sikhawh chung in nan kan dirhkam i alam kip in nan kan bawmh i lawmh aum tuk hringhran. Cu lawng cu si lo in mah le khua le ram inn le lo chuahtak in ahim deuh nak hmun ah atli zam mi hna (ralzam) hna ca zong ramchung ram leng in asi khawh chung in an cawlcang cio in eidin sii ai tiang in asi khawh chung in bawm an si.

Atu zongah Australia ah aum mi Church of God in Australia nih Mizoram aum mi Thaizawl camp ah aum mi Matupi ralzam hna caah ei le din an hlut rih hna. A tu tan an hlut mi hna cu phundang ngai asi, Caw pakhat le Ar pa 5 le Cawsa Cuai 15 le hringso pawl cu February ni 5 ah an hlut hna I zan lei ah rawlhrawm tti nak zong an tuah tiah MCRC i rianngei tu sin in theih asi.

Thaizawl camp cu Mizoram Lunglei ah aum mi asi i Matupi in ralzam atam bik an umnak camp pakhat asi i minung 600 leng an um nak asi. Source: Matupi Times

Be the first to comment

Leave a Reply

Your email address will not be published.