Ram Chung Civil World Cu A Thawk Ko Cang I Zei Tin Dah Kan Um Lai.

Kawl ram kan umtu hi zoh zoh tikah ralpi a tho cang ti ding kan siko cang.,CNA ah Chin mino luh a herh lo. Laimi cu ramvai sakkah miphun kan si caah, nanmah khuacio in ral an rat sual ahcun ready tein um kha a bia pi bik ko.A ruang Cu, CNA ah kan kal dih asi ah cun Nu le ngakchia, Nutar putar kaltak awk an ttha lo, cun khua te kip a hmun hngak tu an um lai lo caah, kal tak dih ding an ttha lai lo.

Hi bantuk Caan he kan ni tawn caah,Chin ram khuate kip ah, pa a um mi vialte kuan le zen tampi in I chia cio u si, cu khua ah cun ralkap an ra ee thawngpang kan theih siah cun,kah cawlh khawh ding in, i zuam u silaw cu nih cun,kan caah san tlai deuh lai tiah ka ruah.Kan khua chungah ralkap an rat siah cun,thih huam in kan kah hna siah cun, tei zawng kan tei hrimhrim ko hna lai.

Kan chim cia bangin Kawl uico ralhrang hna nih meithal nan up lai an ti zawngah up hrimhrim lo ding a si lai.Hi hi cu,min Aung Hlaing nih nawl ngeih nak a pek mi hna an si caah,cu nawl pek nak bia cu, kan zulh ding a si hrimhrim lo.kawl uico ralhrang hna nih hin,an duh poh in an kan tuah ding kan silo ti hi rak thei cio ko u.

Min Aung Hlaing le a party hna cu,an thil tuah mi zoh hrimhrim ah hin,fih nung tuk le a chiakha tuk hringhran ko.Hi bantuk ralkap hna hi cu, hau poh nih kan doh ding hna an si .zeipoh siah khuapi,khua te tilo in, inn khat ah mei thal pakhat cio cu kan ngeih ding mi asi hrimhrim ko ti hi rak thei ulaw,ngeihding in rak i zuam cio ko u.mah le ngeih mi hriamnam in kan doh hna a herh tuk ko cang.

Credit : Kawl Ralkap a hua tuk mipa.

Be the first to comment

Leave a Reply

Your email address will not be published.