Ram Pumpi In Thai Zing Sandah Piak Mi Hna Caah Theih Ding A Herh Tuk Mi .

Kawlram pumpi in thaizing sandah piak mi hna mipi nih, sandah kan piah tikah kan theih hrimhrim bak ding asi. Sandahpiah nak kan kal tikah a herhlo tuk tiangin aumi le soisel nak biafak chim in tlangzalam ah aa chok mi kan um caah mah hi kanmah nunnak caah tihnung asi pah. Cu caah laimi nih zalam kan zawh tikah kan tuah baklo ding hna cu atanglei bantuk hi an si lai. Zeirel lo le zulh duhlo cun um hrim hnahlah usih kanmah caah thatnak ding a si ko caah kan zulh dih cio hau mi asi lai.

Thaizing san dah kan piak tikah, movement ah signpost put lo ding, Au khuan lo ding, Lemsawi lo ding, Sualphawt lo ding, Nautat lo ding. Asinain, Zalonnak cu zeidah a si ti langhter ding, Hramhram uknak pin lei cu a nuam ko ti langhter ding, Kan hawile CDM ah i tel ve ding in thinlung tei buin sawm ding asi fawn lai.

A tu kan thil tuah mi nih hin tlamtlin lonak a chuahpi sual siah cun, hmailei kan lam kalnak ding cu, a hartuk ko cang lai caah,hruaitu hna nih ankan chimh bangin i sumkhawhnak le ralrin tein kan kal a hau mi asi cang.Kawl ralkap nih hin, kan palhnak le kan thiam lonak hi an bawh mi asi i,kan palh sual siah cun,UN lei siseh, cun ramdang lei in bawmhnak le harnak kan tawng sual lai.Cred: Abednego Cenhrang

Be the first to comment

Leave a Reply

Your email address will not be published.


*