Ram Thum Nak Ka Phanh Khawh Hi Ho Thong In Dah Si Hnga?

CNF/A an dirhka in nihin tiang mizapi ca ṭhatnak an chuahpimi ka hmu rih loh, mipi lioheu lawngte hihnu hmailei zongah an ṭhathnemnak ding ka hmu huaha lo i an um tilo zongah apoi nak ka hngal loh kati nain upa tamdeuh nih an ṭhawn chinchin a hau anti le kai zumh, phundang in chim ahcun chimh ka ngai.

A tang catlap hi Beneth Thang nih a hong ka pek, an ṭhawnchin nak ding ah zeital san ka tlai hnga maw ti-ah rianṭuannak ah kai ken le 50 ka copy, Laimipawl ka phawt hna. Africa Minak pa le Miraangpa nih zei ca ko hme na phawt anka ti, kutke he Mirangholh in ka lehpiak hna. Kawlram buai cu theicia cang hnakaw an lungfiang ngai.

Minakpa nih $50 kan pek la santlai la maw ati, Miraangpa zong nih meithal cawknak sila $50 kan pek ve la ati, ‘meithal cawknak bak siko’ kati hna le $50 veve anka pek. Keimah thawhvo he tuzarh zarhdongh ah CC laikeng Ṭialsang Bawitlung $600 ka pek la, chim duhmi cu miphundang misiing pipi rianṭuan hawi sawhsawh sml 1 ah $15 hrawng a hlawh mi hmanh nih $$ an chuah ahcun tutan thawhvo ankan tukmi hi cu tho cio hna usih ti-ah.

Dear Stalin Cung,
Na catialmi lakah ka sia a rem lomi tete van fianter ta ka duh ko. ”CNF/A hi ai semka in nihin tiang mizapi ca thatnak an chuahpimi ka hmu rih lo” na ti. Fianternak: CNF/A ai sem ruangah CNF/A i bochanmi kanpa le pawl nih UN ( United Nations) ah Chinmi kan harsatnak vialte an chim,phuan thawngin Chin miphun tiin an kan pom.

GUAM,MALAYSIA,INDIA ah REFUGEE in an kan lak i ramthumnak kan phan.A theipar ah Laitlang le kawlrawn i a ummi chungkhar, Khrihfabu,Sang le zawl,khua caah a thathnemh zia hi a tam ngaingai ko dahkaw! Refugee in ramdang kal a um hlan HAKHA KHUA le refugee in ramdang kal a um hnu HAKHA KHUA khi na hmu ko lai dah?Hi thatnak hi CNF/A nih an chuahpimi a si.

Atu kan ram a buai lio ramdang in kuatmi CDM bawmhnak zong hi refugee thazaang lawngte dahkaw a si hi.Hi thatnak hi CNF/A nih a chuahpimi thatnak dahkaw a si.Hi thatnak vialte na hmuh rih lo hi cu ka khuaruah a har ngai.

Note… Hi Ca hi a ttha tuk ka ti caah ka rak post tthan mi si i, mipi nih an relkhawh cio nak hnga ding in share in kan bawnm cio u tiah kan nawl hna.A rak post tu zawng nih ka thei thiiam ko seh.

Ced: Peter Thangtum

Be the first to comment

Leave a Reply

Your email address will not be published.


*