Rambuai Nak Daih Ter Cang Dingin Asean Palai Nih Cathanh An Chuah Cang

Breaking News: Khah Lunglawm Tuk Asi Cang Ee! ASEAN Palai Naypyidaw A Phan Kawl Ram Buai Nak Cu Athat Ter Cang Lai. Atu ASEAN Palai Naypyidaw A Phan, Tuni Ah Ramkhel Party Cheukhat He Tonnak An Ngei Lai i Myanmar buainak tuahremhtu dingah ASEAN nih cun tuanvo an pekmi ASEAN palai Ery Yan Yusof cu Oct 11, nizan kha Naypyidaw a phan i tuni ah ramkhel party cheukhat hna he tonnak an ngei lai tiah theih a si. Ralhrangbu nih Suh Kyi he tonnak nawl an pe hna lai maw ti bel fiangin an chim rih lo.

Asinain ralhrangbu chimnak nawlngeitu Bochoh Zaw Min Tun nih “Tazacuai liomi hna le phungninglo bu ah chiahmi hna he tonnak nawl kan pe hna lai lo” tiah nai ah khan a chim. Suh Kyi le President U Win Myint cu tazacuai liomi an si caah ASEAN palai he tonnak nawl an pe hna lai lo ti zumh a um.

Myanmar ah phungning tein register a tuahmi ramkhel party 93 an um tiah Union Election Commission website ah an langhter. Hi ramkhel party 93 chungah zei party he dah ASEAN palai hi an i ton lai ti fiangin theih a si lo.

Hmasa ah cun USDP, Rakhine miphun hruaitu pakhat Dr. Aye Maung dirhmi Arakan National Party (ANP) le Shan National Democratic Party (SNDP) hna he tonnak an ngei lai tiah bia a leng nain thawngfiang fehtermi cu a si lo tiah RFA nih a tial.

Monywa Khuapi No.2 Palek Sakhan Cu South Monywa PDF Nih Bomb An Puah I Palek 2 Thi: Sagaing ramthen, Monywa khuapi No.(2) Palek sakhan cu October 11 zan suimilam 11:00 hrawng ah PDF- South Monywa nih kut chehmi bomb in an cheh i palek 2 an thi tiah PDF – South Monywa nih cathanh an chuah.

PDF- South Monywa cathanh ah cun “PDF- South Monywa nih nizan zan suimilam 11:00 ah No.(2) uico palek sakhan chungah bomb kan cheh i uico palek 2 an thi , hliammi an um le um lo, an um ahcun zeizat dah an si ti cu kan theih kho rih lo. Kanmah lei ah pakhat a ke ah tlawmpal aa hliam nain thinphan ding um lo “ tiah an langhter.
Ref: Khit Thit Media

Be the first to comment

Leave a Reply

Your email address will not be published.


*