Ramchung Ral (Civil War) A Chuah Tak Tak Siah Cun Nu Nau Hna Cu Ralrin Tein Um Hau Cang Lai.

Kawlram pumpi theih in,nihin ah CRPH nih phungning tein ramchung idonak nawl(order) an chuah ve cang. Cu cu zeidah a si ti ah cun R2PO timi a si. A sullam cu mipi nih mah tein kan nunnak venkhawhnak nawl kan ngei caah cucu kanmah tein kan ni venhim a hau cang tinak asi ko. Nihin ah CRPH nih a thanh ning ah cun, CDM atuahmi mipi vialte nih fahnak nan innak hngalo, i vennak nan tuah khawh cang. Ralkap le palek nih fahnak an in pek hna asi ah cun, cu cu lehnak nawl nan ngei cang tiah an ti.

Ralkap le palek cu kawlram mipi kan ralkap le palek an si ti lo maw tiah bia halnak a um kho men.A si nain an nih cu kan caah ralhrang phu an a si. An kan thah, an kan tuk, meithal in an kan kah, an duh poh in an kan tuah. Ramchung mipi vengtu si loin, ramchung minung sualnak ngeilo thattu le thentu an si. Nihin thawk cu anmah ralhrang phu nih nan cungah kutthlak, tukvelh tibantuk an in pek hna asi ah cun,nan ngeih mi hriamnam he an lehkhawh cang hna tinak asi cang.

A tu lio thil umtu ning zoh tikah ramchung ral a tho cang lai tinak a si ko cang. Mipi nih ralhrang ralkap le palek cungah kut an thlak ve hna ah cun, raldoh timi cu asi cang ko cang i, tlangcung hriamtlai an thu sawhsawh ti lai lo, mipi hram ai thawng an theih tikah cun, an hriamnam he an rak chuak cio lai. Cu tikah ramchung thisen a luang lai i, ralpi a tho cang lai.Hi bantuk civil war (RAMCHUNG RAL) donak hi ramkhat le ram khat i donak in ttih nung deuh mi asi caah nu nau hna cu ralrin tein, nan umkhawh ah cun a ttha tuk mi thil asi lai

Be the first to comment

Leave a Reply

Your email address will not be published.