Rampi Hnahnawh Nak Ape Tu An Si Tiah Min Aung Hlaing Nih Ati Ve cang

Min Aung Hlaing Nih Siangngakchia hna fim cawnnak kong he pehtlai in sianginn ah hnahnawhnak pek le tlerhkhonh nak an tuah mi hi thil thalo tuk an tuahmi a si caah, rampi harnak a pek asi tiah hramhram nawlngeihnak la tu ralhrang hruaitu Min Awng Hlaing nih a chim.

November 9, Naypyidaw ah tuahmi ralhrang phu hna biaruahnak ah bu-choh-hmu-gyi Min Awng Hlaing nih biacah nak ah a tu bantuk in a chim chih hi a si. Sianginn on a si hnu ah sianginn a kai mi an tlawm.

November 8, tiangah siangngakchia dihlak (nuai 2, sing 3 le thong 5) leng nih sianginn an kai, sianginn on ni thok in zerhkhat chungah siangngakchia minung nuai 1 leng an i chap caah lawmhawk ngai a si tiah ralhrang bawi Min Awng Hlaing nih cun a chim.

Hum himnak kong he pehtlai in siangngakchia nu le pa le, khuachung deihnak duhtu hna bawmhchanhnak thawng in ca cawnnak sianginn ah hnahnawh peknak tlawmpal lawng a um, cheukhat hmunhma ah cun tlerhkhonhnak zong a um tiah ralhrang bawi nih cun a chim.

Siangngakchia sianginn on piak nak cung ah hngat in, sianghleirun hna zong sianginn on piak an si ve lai, sianghleirun caah sianginn on tik ah voikhat te ah on dih si lo in master, qualified le final year cun second year tiin on piak an si lai tiah nawlngeihnak la tu ralhrang hruaitu bawi nih a chim.

November 1, thok in ramthen le ramkulh 9 in pengkulh 40 leng chim lo ramchung dihlak ummi phungki sianginn telh in sianginn dihlak cu ralhrang phu hna nih on ter a si cang na in, Yangon telh in pengkulh tamdeuh ah sianginn kai tu an tlawm ngai tiah theih a si.

Covid-19 zawtnak ruang le hum himnak caah nu le pa nih fa le sianginn kaiter lo in a um mi zong an um, cun ralhrang kuttang fimcawnnak kan duh lo tiang sianginn kaiter lo in a ummi nu le pa zong an tam. Cun siang cachim tu saya/sayamah tam pi nih ralhrang uk duhlo cawlcanghnak CDM ah an i tel caah sianginn an kailo nak zong a si. Rff: DVB

Be the first to comment

Leave a Reply

Your email address will not be published.


*