Rangoon Ah Mipi Le Ralkap A Dirhpi Tu Hna A Ni Phomh Len Cang.

Rangoon ah ralkap a dirpitu le ralkap a dohtu mipi kar ah buainak a chuak thluahmah cang.Nihin February 25,2021 ni ah Yangon butakyi pawng ah tulio uknak a latu ralkap a dirpitu le ralkap uknak a duh lo tu mipi kar ah buainak a chuak tiah theih a si.

Ralkap a dirpi tu hna nihhin hriamnam an i ken i ralkap uknak kan duh ko tiin lam an zawh. Thingtan le lungtum, Chai an i ken hna. Ralkap uknak a duh lomi sang chung mi hna nih khengbel an rak tum hnawh hna.Cuticun an kar ah buainak a chuak i Chai in chaihnak le thingtan lungtum in i dennak zong a chuak.

Cu lio ahcun palik an ra i palik nih ralkap a dirpitu hna cu Motor chung ah an kumh zohzoh hna.Ralkap uknak a duh lotu mipi hna nihcun palik nih nan humzual hna. Mah bantuk hriamnam he mipi kar ah buainak a tuah tu misual nan humzual hna nan ven hna tiin ralkap a tanhtu hna Motor cu mipi nih an dawi. A donghnak ahcun palik nih mipo cu an kham hna i an khamh khawh hna.

Ralkap nihhin an mah lei a dirpitu hna minung tlawmpal kha a phunkip in buainak tuah ding le mipi nih tih ding le thinphang ding in thil an tuahter hna. Sinain mipi nih an tih hna lo. Hmun zeimaw ahcun mipi tu nih an rak tlaih tawn hna mi asi.Credit : Irawaddy

Be the first to comment

Leave a Reply

Your email address will not be published.