Rangoon Ah Security A Ttuan Mi Thah A Si.Kawl Ram Buainak Ah A Thi Mi An Tam Tuk Cang.

Yangon Shwe Pyi Thar Myone (တ) 15 Sang chung mah humhimnak dingah Security tuan mi Sang chung um minung pakhat cu Palik nih Meithal in an kah caah a nunnak a liam tiah thawngtheih a si.

February 20 zaan suimilaam 11:45pm hrawngah Sang chungah a lut mi Palik Motor nih Sang chung humhimnak dingah Security tuan mi, minung pakhat cu Palik nih a lu ah voithum bak Meithal in an kah caah a nunnak a liam tiah hibantuk thil a can lio a hmutu pakhat nih RFA ah a chim.

Hibantuk thil a can lio ah a hmutu pakhat nih mahtihin a chim. “A thi mi hi Sang mipi humhimnak dingah Security a tuan mi a si i, lam a hngak. Cu lio ahcun Palik Motor a phan. Palik Motor cu lut lo ding in a kham hna i, khoika nan kal lai? zeidah nan tuah lai tiah a hal hna. Cu ahcun Palik nih an volhpamh len hnu ah Meithal in voithum an kah i, a hmun ah a nunnak a liam cawlh. A hmai hi zoh awk tlak loin a um, a lu zong a awng. A kaptu hna Palik Motor hi Hlawka Palik Sakhan lei ah an lut tiah” RFA ah a chim.

Hibantuk thilcang ruangahhin Sang mipi pawl cu an lung a fak tuk! an i cenet lo tuk i, Palik Sakhan hmai ah saupi Sandah an piah nain, zaan a tlai deuh hnu ah an tindih than. Mah le Sang te humhimnak dingah Security a tuan mi thi lak an kah mi kong he pehtlai in Shwe Pyi Thar Palik Sakhan cu RFA nih pehtlaihnak an tuah hna nain, an pehtlai kho hna lo.
Ref : RFA Burmese

Be the first to comment

Leave a Reply

Your email address will not be published.