Rangoon I Duh Lonak A Langhter Mi Hna Cu Ralhrang Le Police Nih An Kah Tuk Cang Hna Caah Lai Mi Zawng An Zam Dih Cang.

Rangoon i sandah piak mi pawl hna cu,Ralkap le palek nih meithal le sniper in an kah cang hna.Internet an phih ruang ah ATM card in dawr thil cawk ngah ti lo. Bank an khar fawn. ATM phaisa um lomi a tam. Cash a har bak ko cang. Eidin thilman le datsi man a kai tuk. Yangon ah vansang a aumi an tlawm ti lo, pawtammi an karh chin cang lai. fachuaksual Min Aung Hlaing pakhat ruang ah.

Ralkap le palek nih meithal le sniper in an kah hna, nain Kawl mino nih chai le gawlilung menmen in an zuan hnawh ve ko hna. Tampi an thi, an tih hlei lo. Ka upat hna, nain ka zaangfak ngai hna. Zeitluk in dah ralkap uknak an huat ve timi fiang tuk in hmuh khawh a si.

Rangoon ah hin ralkap le police ttih an nung chin lengmang caah Laimi tam taktak Laitlang an tlung ve cang. CDM ruang ah Hakha quarantine chiah um ti lo, kan khuachung ah virus ai chawk len ve cang lai ti khawh a si.cu caah ka ni ralrin hau cio mi asi.

Covid-19 nakin tihnung deuhmi ralhrang cozah cu doh ko u sih, nain minung tampi a that khotu virus zong hi kan doh ve a hau. Zapi lak um tikah mask hruk le kuttawl philh hram hlah u sih.ka ni ralrin poh ah cun damnak cu kan hmuh ko lai. Credit: Salai lungthli Tum.

Be the first to comment

Leave a Reply

Your email address will not be published.


*