Rangoon Khuapi Cung I San Dah A Piak Mi Hna Cu Police Le Ralkap Nih An Kah Cang Hna.

2021 February 25 zaanlei sang ah Yangon Myo, Tamwe Myone, Aung Mingalar Sangah Ralkap nih Aohchiohzihmu ah an thim mi cu Sang mipi pawl an lung a tling lo i, an i cenet lo caah Sandah an piah i, Palik nih Meithal in an kah hna, an then hna tiah theih a si. Meithal kahnak ruangah a thi mi an um le um lo siseh, hliamhma a pu mi an um le um lo fiangten langhternak a um rih lo.

A tu hi mipi pawl cu pehzulh in Sandah an piah cuahmah ko tiah theih a si.Kawhtong Myo ah Nihin February 24 ah Ralkap uk cohlannak puai a tuahtu pawl cu mipi pawl nih Bel kheng an tum hnawh hna i, Kawthaung Khua chung luhnak nawl an pek hna lo caah an kir dih than tiah theih a si. Kawthaung Myo ah Ralkap uk cohlannak puai a tuahtu pawl cu Motor le Cycle in Khuapi chung luh an i tim nain, mipi pawl nih Bel Kheng an tum hnawh hna i, lam an phihkhar dih hna tiah theih a si.

Ralkap uk cohlannak puai a tuahtu hi Minung 300 hrawng an si lai. Siizung timi cu khar awk phun khi a si lo, Mizaw pawl zohkhenhnak a si tiah a phunphun in an au chih ve i, Khuapi chungah luh an i tim.Ralkap uk cohlannak puai a tuahtu hi Motor 21 hrawng le Cycle 30 hrawng in Khuapi chungah luh an i tim i a phunphun in an au chih. Ralkap uk cohlannak puai a tuahtu hi zeibantuk minung dah an si timi cu thleidan awk ah a har ngai.

Meng 7 Vanlawngkun pawng in a rak chuak mi an si. Meng 3 Sang cu an rak lawnh khawh. Mahka hmun thawk cun mipi nih Bel Kheng an tum hnawh hna. Meng 2 Siizung pawng an phak tik ahcun an au thawng cu a than ngai caah Kawthaung mipi pawl nih Khuapi chung an luh khawh lo nak ding in an tuah cawlh hna.

Ralkap uk cohlannak puai a tuahtu pawl cu Kawthaung Khua chung an luh khawh lo nak dingah Kawthaung mipi pawl nih an luhnak ding lam cu Motor le Cycle in an phih kanh dih hna i, Bel Kheng an tum hnawh hna caah Ralkap uk cohlannak puai a tuahtu vialte cu hnu ah an kir i an tindih than tiah theih a si.

The Irrawaddy-Burmese Edition

Be the first to comment

Leave a Reply

Your email address will not be published.