Rasiaa Le Ukraine Buai Nak Ah Rasiaa Cu China Nih Bawm Timh Tuah Nak A Nei Tiah US Nih Cun A Van Puh Pahmi Cu China A Van Leh Dan Cu Tih Nung Taktak Bak C Ko Cang Mu.

Russia le Ukraine raldohnak kong ah China kan dirhnak hi a dik ko ti in tuanbia nih a langhter te ko lai tiah China Foreign Minister Wang Yi nih cun a chim.Russia nih Ukraine a tuk hi a palh tiah vote thlak ding ah China nih cun duh loin vote thla loin a rak um. Raltuk ngolter ding ah kaphnih tonbiaruannak nan ngeih a herh tiah China nih a ka cun a chim nain China nih hin Russia bawm ding in timhtuahnak a ngei pah tiah US nih cun a puh ve.

China Foreign Minister nih cun China kan dirnak ding ah hin kanmah tein biakhiahnak nawl kan ngei I zei bantuk ramleng buainak hmanh ah va dirpi le sual va phawt pawl khi kan cohlan mi a si lo tiah US cu Chaina nih cun fiang ko in a leh. Colh ko

US le China President online in suimilam pahnih chung tonnak an ngeih tu ah cun China President nih China i kan dirpi ning ah cun raltuk cu kan dirpi lo i kan cohlang fawn lo I zei tik can poh ah ral cu tu hmenh she law raltuk cu kan cao thlang belo  zeitik poh ah daihnak hi kan duh peng i kan dirpi peng lai. China cu vawleipi a daih nakhnga ṭhawng ngai in daihnak kong ah a dir peng tiah a chim.

China Foreign Minister nih cun China kan dirnak hmun a dik ti hi tuanbia nih a langhter te ko lai,” tiah a chim pinah China cu raltuk a duhlo mi kan sinain a herh ahcun Taiwan tikulh khi ralkap thazaang hmang i luhhnawh ding zong in dawntu kan ngei lo tiah a chim.

Thawng pang dang relkhap

Sagaing ramṭhen Kalay peng, Awngchainta khua ah rallam sialtu SAC ralkap hna le CNDF PDF Kalay phufonh cu nihin March 20 chun suimilam 12:30 hrawng ah an i kap i, cu kahdohnak ah cun SAC ralkap lei in a tlawmbik minung 7 an thi, tiah theih a si. Kahdohnak suimilam 1 hrawng an rauh hnu ah, mizapi vengtu ralkap phufonh lei hliam tuar um loin hnu an tolh kho, tiah CNDF nih cathanh an chuah.