Relcio Uh Sih Salai Tluang Te Nih An Konglam  A Rak Tial Than Mi Cu Ngaihchia Tuk Si e

2021 April 29 Hakha ah har ngai le thinphang ngai in kan rak luh hnu nithum chung ramtang ah kan i din. 2021 May 2 suimilaam 2:00PM khi Hakha mizapi lamzawh rak i timh a si. Lam a zawh mi hna, Tlaih le khih, an ton sual a si cun kan thuat colh hna lai. Meithal in kan ven hna lai, lam kan zawh ve hna lai tiah kan rak i tim.

Cu ticun May 2 kan hun phan. Lamzawh ding hmun le hma ah mipi cu an kal thluahmah. Minung an thahnem ngai. Ralhrang pawl kan rak hlen hna i phu hnih in lamzawh tu kan rak i then. Cunglei he tanglei he tiin lam kan rak zawh.

Lamzawh kan van i thawk tlawmpal ah ralhrang cu an chuak taktak. Kan bawh hna nain kan sin ah an rak chuak lo. Ralhrang le Palek nih kan kal nakding tu kha an rak kan phih dih. Lamzawh cu tlik le leek pah le har ngai in kan rak i lim. Hini lam a zawh mi poh a baa lo te an rak um lo. Dillo sang a cho taktaknak le lam a chiat taktak in rak tlik a si.

May 2 i a biapi in kan i timh mi kan Mission cu suimilaam 5:00PM ah Innwa Bank kah ding a si. Lamzawh a vun dih bak in mission kan neih nakding hmun ahcun kan tli colh. Innwa Bank hi nidang ahcun ralhrang pakua hra te lawng an rak um.

Kah kan rak timh mi hi Dalan ruang ah an rak theih (Kanmah chung ah Dalan an rak um rua). Hmunhma kan laak cuahmah ah ralhraang cu Kouh-Kun lampial in Innwa bank lonh tiang khi hmunhma an rak laa dih cang (a tlawm bik 100 hrawng cu an si lai dah). Kan nih lei hi minung 7 lawng kan rak si.

Hmunhma kan laak cuahmah lio ahcun ralhrang nih kan hawipa an hmuh. Meithal in kah loin an kutdong in an kan sawh (Pathian a tha tuk). An kan hmuh le cangka in liklak kan i chawn hna i kap manh loin hnu kan pil than.

Rak kap hna u sihlaw kan nun buin an rak kan tlaih lai. Cu si lo hmanh ah kan rak thi dih lai. Tliknak lam pakhat te lawng a rak um. Pathian thawng in kan rak luat.

Kan zaam tlawmpal ah ruah a sur. Lampi in tar le upa nih an inn chung in thazaang an kan pek. Ngakchia tete zong nih kutzung thum thlir in an kan lawmhpi. Ka peh than te la.Crd: Salai Tluang Te.

Thawng dang, Omar Delaney hi kum 35 mi a si i, Washington ah um mi a si. Kan nung kum April 20 kha a nupi neih nii a si i, hi nii tho ah hin nu dang tlaihhrem ruang ah police nih an tlaih i, nupi zawng cu a nei manh loh. An i neih hlan nii 19 ah khan MO nei tu ding Omar leh a hawi le hna mi tlawm te cu i nuam ding in Free Mount Street Las Vegas leiah cun an kal i, tlaihhrem ka si tiah a ti tu a min lang duh lo nu zawng cu hi nii ah hin i neih nak hmanpi ding ah Las Vegas ah a phan ve i, an dih lak cun an party hna.

A thaizing i nupi nei ding mi ah a tliahhrem tiah ai chim tu nu nih cun zaan lai a lonh cang i, Vodka (zuu) khuat 3 hrawng ka din i, cun ka lung a mit deuh. Ommar nih cun hi ti i na kal ah cun na caah a tha loh na um nak hotel tiang kan tlah lai a ka ti. Ka um nak hotel tiang cu a ka thlah i, kha lio caan vial te ah khan ka tha ba in tha ka nei loh i, nain nii khua thei lo tiang cu ka si lo.

Ti cun ka room kan phan cun room chung ah a hawng lut ve i, tha nei ti lo ka taksa cu ka duh lo bu in hram hram in a tawng i, a ka tlaihhrem tiah a ti. Hi lio ah hin hi nu nih a puh nak ah hin Ommar hi a lau tuk i, a mah pin ah a nupi ding Damara zawng nih Ommar cu a zumh bia le a tanh cu a chim. Cu ti a si tik ah an i neih nii tiah an ti mi nii April 20 ah cun an i nei kho ti loh.

Nain a thaizing 21 ah cun Mo nei ding Ommar cu Us dollors 10000 cawi in an chuah ter chung i, hi nii ah hin a nupi ding Damara he cun an i nei. July 26 ah cun Las Vegas Court ah Hearing nei ding in a kawng lam cu ceih a si lai, police hna thil si ning cu a hman ko maw tiin an hlet hlai i, tlaihhrem a tawng nak CCTV hna le thil dang dang hna cu an hlet lio a si. Hi ban tuk thil phan hi a thei mi nih cun mak tiin Media kip ah tial le phuan a si.