Rellaw A Dih In Cun Na Nuam Tuk Lai Uico Hna Cu Pasaltha Hna Nih Tamlak An Vat Hah Than Hawi Cang Hna Hih Ta Cu Lawng Si Loh In

Pale peng, Inpin-hti khua ah umhmun khuarmi SAC ralkap le pyusawhti hna cu May 22, chunhnu ah tualchung hriamtlai phu hna nih luhhnawh in an kah hna caah, pyusawhti le SAC ralkap 10 hrawng an thi tiah Kyatanat pah-kah-phah phu in tuanvo ngeitu nih Mayelat Athan ah a chim.

Kaphnihkar kahdohnak ah tualchung hriamtlai phu lei in minung 3 hliam an tuar i, siizung ah an thlopbul hna tiah theih a si.Hi kahdohnak ah Kyatanat, pah-kah-phah phu, Pale Jawga, Yoma fighter Ramboo, tat-khuai Yinmapin, Pale battalion 1, battalion 6,1,3 G.O.G Myaing phufonh hna nih an kahdoh hna tiah theih a si.

Shan-Karenni (Kaya) Ramri Phaekhung Pawng SAC Ralkap Battalion 422 Riahbuk Ni 2 Peh In Kah An Ton Caah 5 An ThiShan ramkulh le Kareeni (kaya) ramkulh a tonnak Phaekhung peng Silawh, khuapawng ah umhmun khuarmi SAC ralkap battalion 422 cu tualchung hriamtlai phu hna nih May 19 le May 20 ah tiin nihnih chung an kah hna ca ah SAC ralkap 5 an thi tiah Inlay People Defence Force IPDF sin in theih a si.

May 19 kahdohnak cu zinglei in an thok i chunnitlak tluk fakngai in kahdohnak a chuak. IPDF nih Similawt khuapawng SAC ralkap sakhan umnak battalion 422 cu 60 mm in an kah hna caah SAC ralkap lei nih 60mm, 120 mm le 79 mm hmang in an kah ve hna.

May 19 kahdohnak SAC ralkap lei 5 an thi i 3 hliam an tuar, Inlay PDF in pakhat hliamhma a tuar ve tiah theih a si.May 20 kahdohnak cu Similawt khuapawng ah a cang i, SAC ralkap lei 3 hliamhma an tuar tiah theih a si.

A tutiang cu ka hmunhma ah cun kahdohnak pehtlai in a chuah caah tualchung mipi hna nih a rannak in a himnak hmun ah i dor cio ding in IPDF nih an thanh.

Similawt khuapawng ah umhmun khuarmi SAC ralkap hna cu Inlay PDF, Phaekhong PDF battalion 2, KNDF le tualchung hriamtlai phufonh hna nih an kahdoh hna tiah theih a si.

KhinOo Peng SAC Ralkap Hriamngan In Zarhkhat Chungah Khuami 10 An Thi. Sagaing ramtthen, Shweboo pengkomh, KhinOo khuapawng Intai Laytawng  khua le Tatai  khuachung ah SAC ralkap hriamngan kahnak ruangah khuami 10 an nunnak a liam i, 10 nak tam hliam an tuar tiah KhinOo PDF in tuanvo ngeitu pakhat nih a chim.

2021, March 25 in nihin May 22 tiangah Shweboo pengkomh KhinOo pawnghrawng khua hna ah SAC ralkap kahnak ruangah khuachung mipi hna le tualchung hriamtlai minung 150 nak tam an nunnak a liam cang tiah a chimchap.Credit: The Chin Post

Relchap, Changreu kan cawkpiak lai,Pupu sin ah rat na duh maw tiah putar pakhat nih hngakchia kum 5 mi nute cu a lemsoi len i tleihhrem tu a rak timh. Rakhine ramkulh,Thandwe khuapi Sanitaung i khuasami kum 61 tluk a si mi U Han Maung cu mi taksa hmeh in pawcawm nak kawltu Chin miphun, Buddhist simi putar nih cun kum 5 tluk a simi hngakchia nute cu Suimilam 5:30 hrawngah Cangreu cawkpiak dingin a lem.

U Han Maung nih cun Hngakchia nute Ma Yun Nadi cu, Changreu kan cawkpiak lai,Pupu sinah rat na duh maw? tiah ai kal pi i, tleihhrem dingin ai timh cuahmah lioah hngakchia nute nih cun ‘fak’ a ti tuk caah a tap len.Curuangah cun putar pa nih cun Hngakchia nute a kaa cu a huhpiak i,a hngawng zong a reh caah a thawchuah a tha kho ti lo i,a hnuah a thi colh.

Chin Putar U Han Maung cu ai thup i, thaizing nazi 4 ah Gway Chaung Khaw rite Taungkot Thandwe lampi ah thirleng a mawng i cu lioah cun an va tleih tiah theih a si.Hngakchia nute cu a sualpi manh maw sualpi manh lo tiah siibawi te nih an check cuahmah lio a si.U Han Maung cu palik Sakhan ah daan 677/301 hmangin case tuahpiak a si tiah theih a si.