Relve Cio Uh Mindat Pasaltha Hna Hi Cu An Khuaruah Mi Hi Cu A Tha Kho Taktak Khi Si Ko

Chin ramkulh, Mindat peng hmunhma pakhat ah sii-inn le library honnak kan tuah cang, tiah Thein Hngait battalion 1 CDF-Mindat nih nihin May 10 ah an thanh. Fur caan a phak cang caah lampi chawhlehnak ah harsatnak a um i, mipi cu damlo zawtfah kan ton tik ah rianrang in thlopbulnak ding kan herh, cucaah sii-inn honnak hi tuah a si.

Sii-ai man a fah caah tlamtling in sii kan chia kho rih lo, emergency caah papek in chiah chung a si. Cun, kan ralkap hna zong an i manh caan ah carel ding le, mipi hna zong nih phaisa liam lo tein ca an rel khawhnak ding ah library kan tuah chih, tiah Thein Hngait  battalion 1 in ṭuanvo ngeitu pakhat nih a chim.

Sii-ai cawknak caah le Cauk cawknak ah bawmhnak a petu dihlak cung ah kan i lawm tuk ti in Thein Hngait battalion 1 CDF-Mindat nih an thanh fawn. Tlamtling in pehzulh a si khawh nakhnga bawmhchanhnak pek a duh mi hna nih Thein Hngait battalion 1 CDF-Mindat page ah pehtlaihnak tuah khawh a si, tiah CDF-Mindat nih an langhter.

Relchap, May 11,2022 Kawlram Chung Thawnpaang Thar: SAC raalhrang hna le CNDF pawl thla 4 chung an ikahdohnaak ah SAC raalhrang lei in minung 227 leng an thi tiah theih a si i, CNDF mipi venghimtu raalkaap lei in pasalttha minung 9 hna nih Ram le Miphun caah an nunnaak an pek ve tiah thawng theih a si.

Chinram, Falam peng, Parte khua cu SAC raalhrang pawl nih an inn le lo an khangh piak tthaan hni i tutiang theih khawh tawk ah inn 5 hi an khangh tiah theih a si. Kalaymyo Thlanglei i SAC raalhrang hna le mipi raalkaap hna nithum chung an ikahdohnaak ah SAC raalhrang lei in a tlawmbik ah minung 14 an thi i, PDF-Kalay lei in minung 2 nih Ram le Miphun caah an nunnaak an pek ve tiah thawng theih a si.

NganDamNaak-NUVA NUN HMAN NAAK AH CAAKNAAK Niam/Tlawm Mi Hna Nupa Karlak Ah Zeitin Dah Kan I Siamremh Ning A Si Lai. Tutan cu Nupa tiitsa caaknaak a niam/tlawm mi nuapa karlak ah kong Doctor hna sin ah biahalnaak en ngeihmi an lehnaak hna kan rak chim lai i nangmah zawng nupa karlak tiitsa caaknaak ah harsatnaak a ngei mi na si ahcun ttha tein rak rel dingin kan sawm.

Nu le va karlak ahhin pakhat deuh cu nupa nun ah caaknaak a ngei tlawm deuhmi um a si tawn i mi tampi cu hi thil ruangah hin ia tthen phah mi zawng an tamtuk hringhran cang. Doctors pawl bia an hal mi hna le fiang tein an leh mi hna bia hi tlamtling tein rel khawh vun i zuam cio hna u sih.

Biahal naak : Doctor, kei hi kum 50 ka luan cang i fa zong minung pa 5 ka ngei cang i ka fanu upa cem hmanh hi (B.A) a dih cang i, Ka buainaak cu kan nu hi nuva nun tiitsa caak naak ah a (Drive) a niam tuk i, a thi zawng a hul lo nain nuva nun hmannaak lei ah zeihmanh thathawh naak, caak naak zawng a ngeih ka thei bal lo.

ka theihthiam tuk ko nain pa ka si caah kei cu caak naak ka ngei peng fawn i a si nain nupi le nih hman caaknaak an ngeih ve lo tik ahcun khuaruah awk hi a har tuk tawn, Nu dang sinah vai hman ti le khrihfa mi kan caah thil ttha lo a si fawn i zeitin hme ka tuah ah a that lai? sizung ah nai piahlai ka ti zongah a duh fawn lo i Na ka bomh khawh ahcun kailom tuk ko lai.

Bialeh Naak : Minung reng reng nih hin tiitsa caaknaak hi kan i chuahpi mi a si i, sihmanhsehlaw minung hi kan i lawh lo ruangah tiitsa caaknaak ngeih daan zawng kan i thlau tuk ve hna. Nupa nun hman naak kong hi kan nih Laimi lak ahcun chim a nuamlo kan ti mi le a si fawn, Khrihfabu ti bantuk hna ahcun hohmanh nih kan chim ngam fawn lo.

Pastors hna nih hin nupi pasal ngeihnaak (counselling) an kan pek ahhin an kan chimh pahtawn in a lang i, a si nain zei bantuk level in dah an chimh ruah hna ti cu kan thei fawn lo. Nupa hi bantuk lei ah harsatnaak a ngei mi hna nih pastor te an fuh panh hna ti zawng kan thei bal lo.

Hi kong ahhin Doctor hna kan panh duhlo/ kan ngamhlo ruangah Doctor hna an thiamnaak zong hi a laar kho lo i fuhpanh awk ah kan rel tuk hna lo naak pakhat a si. Nupa nun hman naak hi Innchungkhar nun ah chungkhar lomhter tu thil biapi tuk mi a si i, Nupa nun ai lomh khawhnaak ding ahcun nupa karlak ah i nun hman naak hi theihthiam naak thukpi ngeihhi a biapi tuk hringhran.

Sihmanhsehlaw nupa nun hmannaak kong hi kan Society subject chim nuam lo tak a si ruangah micheu nih cun hi kong hi nihchuak capo saihnaak men ah a hmangmi zawng kan um len i cu ruangahcun hi thil hi biapi ah a chia lomi kan tam tuk.

Tleirawl hna sinah Nupa karlak i tiitsa caaknaak kong hi cawnpiaknaak kan ngeih a tam ngai cang i, kan hnung lei deuh te zawngah khan College students hna sinah ka chim cang i, nupa nun hman daan kan theih ko kan ti lio ahhin kan theih awk a si mi a biapi tuk mi cu kan rak theihlo mi a rak tamtuk.

Hi kong hi mipi nih hin cawnnaak ngei viar kho sih tihi ka duh ngai ngai. Nupa nun hmannaak caaknaak hi Pa Le Nu nih kan ngeihmi hi a rak i khat lo tuk fawn i, a tlangpi cun Pa naak hin Nu hi caaknaak an ngeihmi a niam deuh ti si.

Pa hi cu a thilri a vun tthawn/Lianh deuhcun nunpa nun hman cu i ready cang tinaak a si i, Nu tu hi cu a caaknaak rianttuan ning kha a nuar deuh ruangah vun i hngah pah hi a rak hau ve tawn i cu caahcun Pa lei nih hin lungsau tein hngah khawh kha a herh ve.

An mah tu kha caaknaak an ngeih khawh hmasat naak hnga thil kan tuahpiak awk hna a rak herh i, Cun nu le pa hi kan khuaruah ning zawng ai lo lo mi a tampi fawn i Nu hi cu innchungkhar, fale kong nih hin a thinlung a nenh tuk hna i, pa pawl nih kan ruahkhawh lo mi thil hi an nih nih cun an rak ruahmi thil a rak tam tuk.

Nupi an vun si hnu i an chang hna a vun chiat pah khin cun nuva nun hman naak lei zawng ah an caaknaak cu a hlaan naak in tamdeuh in a hung niam cang ti a si. Cun Nupa nun hman naak caaknaak hi ngandamnaak he zong a rak i pehtlai tuk fawn i,( physical fitness) pin ah thinlung lei (Mental Health) zong a rak biapi tuk.

Damlo naak a dangdang a lang kho lo mi tachunhnaak ah zunthlum le thisen sang hna nih hin nupa nun hman naak lei hi a niamter khawh ngai ti si. Cun (Depression thil a chiatnaak lei lawng ruah hmang mi) le ( over thinking faaktuk in khuaruah naak) hna nih hin nupa nun hman naak cu faak tak tak in a niam/tlak ter khawh.

Na nupi/Pasal kah nupa nun hman naak lei ah caaknaak a ngeihmi a niam tuk a si ahcun a rianran naak in sizung ah Doctor te va chimh zawk kha a biapi tuk, mental problem thil zeimaw zawng a rak ngei kho mi a si. Cu caah cun ttha tein nan nupa in bia nan khiah hnu ah a thiam mi nan va panh pi khawh ahcun thil ttha tuk a si.

Hi kong hi Nupa i zawnruahnaak tak he i ruahtti hi a biapi tuk mi a si i, hi bantuk harsatnaak ruangah hin vaa cung pa duh le nupi cungah nudang duhnaak a chuak kho mi a si. Cu caah cun thil kha nan siamthat zau a ttha i, family guidance and counselling center ti bantuk zong nan panhcun thil ttangkai a si lai.

Mah hi hi nupa nun hmannaak kong ah harsat naak a ngei mi hna nih Doctors hna bia an halnaak hna le an leh mi hna asi…. Ca reltu le a theitu kan dihlak nih kan i hlawKpi le kan hman ttangkai pi zong ka zumh ko. Hi bantuk kong

hi kan nih Chin mi zawng nih hinaak tam hin kan cawn i kan theih Hi biapi ah kan chiah deuh chin chin hi a herh tuk mi thil a si.