Relve,Mipi Nih Kan Theih Ding Mi Cu A Tu Lio Kahdohnak Hi Hmun Kip In A Chuah Ca Ah Ralrin Kan Hau Hna,

Kan hnu thlah April 7 ahkhan Yakuza i an hruaitu, Takeshi Ebisawa, pakhat le Thailand minung pathum cu U.S. Drug Enforcement Agency nih an tlaih hna ti a si. DEA i riantuan pawl cu meithal zuartu company bantuk in an i umter i Yakuza phu pawl cu meithal le vanlawng kahnak tibantuk pawl kan in chuahpiak khawh lai tiah an va ti hna Kawl ram ah kuat ding ti asi.

A man cu sii 500kg silole $40 million in pek ding in an in tiam. Cu ti Takeshi Ebisawa an hlen khawhnak a ruang cu DEA riantuantu pawl nih Afghanistan i U.S hriam a tangmi pawl kha Kawlram ah kan in kuat piak khawh lai tiah an ti caah a si. Zung catlap ah an langhtermi ning in cun a cawtu ding cu UWSA, KNU le SSA hi an si lai tiah an langhter.

Cu meithal an chuahpiakmi pawl cu thilphor vanlawng in phorh piak ding ti asi. Thilphor vanlawng in phorhmi hriam pawl cu anmah (Hiramtlaiphu) nih ngeihmi vanlawng bual ah tlakter ding ti a si. A sinain zei tindah cu bantuk vanlawng cu chek loin Thailand ramri a pah khawh hnga? A si kho lo ngai ngai mi khi si.

Hi thil hi a dik tak takmi si le si lo cu chim awk a har ngaimi a si. A ruangcu Yakuza timi hi japan phu fa te te zong in an tampi bantuk in anmah hi an si tak tak maw a si lo ah anmah min hmang in mihrokhrol cheukhat nih Kawlram lei hriamnaam a duhtuk mi pawl hlennak caah an hmanmi maw si ti hi ruah a hau ngai ngai.

Yakuza phu hi Japan hrambumh mi sual phu an si i a sullam cu zeica hmanh ah a tha lo mi (good for nothing) tinak a si. A hlan ahcun Japanese acozah hmanh nih a uk khawh lo caah hawikom bantuk in a rak i ser i Japan ramchung hmunkhat khat buainak a chuah tik ah anmah phu hi palek pawl nih an rak hman tawn hna.

Yakuza misual phu pawl an i dannak cu Japan ram chung lawng si loin hmun kip ka kip ah an cawlcang. An tuah bikmi hi siithalo zuar, nu tlaihrem, phaisa hlennak tuah le mi hrem ti bantuk hi asi bik. Atu lio i an tuahbikmi cu rambuainak pawl Columbia, Jamaica ti bantuk ah black market in meithal zuar le America le Canada ah siithalo zuar le hi an cawlcangh biknak a si.

Meithal company le business ngeitu pawl he i bawm in hi tin hriamzuarnak chawhlehnak an tuah hi a si. Atulio ah active member hi 11,000 -100,000 kar lak hrawng an si lai tiah zumh a si. An cawlcanghnak hi East Asia le Latin America ahhin a thawng bik.

An hmunhma hi a kauh ngai ngai caah International Security kong he aa pehtlai in cawnnak zongah anmah kong hi telh chih leng mang an si. Aruang cu an cawlcanghnak hi international level in a si caah U.S zong nih anmah kong hi biapi ngai ah a chiahmi si.

Hi thil cang kong hi zumh a har ngai nak a ruang cu KNU hi siithalo chawlehnak ah aa tel bal lo i UWSA zong nih Tuluk ser vanlawng kahnak fawitein a cawk khawh komi U.S ah man fak piin a cawk lai timi cu zumh a um lo lengah USWA cu Kawl ralkap he daihnak an sernak cu kum 20 leng a si cang. Cu hlei ah SSA zong hi Kawl ralkap pawl he biatak tein aa kapmi an si lo.

Cu caah a fiang ngaimi cu rambuai lio ahhin mi sual phu cheukhat nih caan tha i lak in hlennak tuah a tam. Meithal company kan si ti bantuk in le hriamtlai phu min pakhat khat zuar in cawlcangh a tam caah i ralrin ngai ngai a hau.

Kan Chin mi chung zongah hriam cawknak caah million project aupi asi. Hi bantuk misual phu rap ah kan i fawih lo ding le kan dohthlennak limhang a chiatter lo ding hi a biapi tuk hring hran.

Thawng pang dang, Nangmah a lo hringtu na nu hnenah ziangzat na caan na hmang ih na nu ih kiangah vei ziangzat na um ṭheu.

Zo khalin kan nu le kan pa hi leitlun ah damsauter kan duh thluh ih asinan science vek a si ahcun kanmah ah cumi khal cu a ṭhumaw ve tinak a si. 2012 ih zirnak pakhatih an hmuhsuahmi ahcun na nu kiangih caan na hman tam asile na nu cu a dam rei ding ti a si.

Hi leitlun ahhin nu le fate an pehzomawknak tlukih thilmak le ropi a um lo ding, in hringtu nu le hi ziangte an si khal le an thu simmi le in fialmi cu tuah ding kan si, an simmi le an relmi cu a dik thluh lo ding nan an thu kan thlun thiamte kha a poimawh tuk.

Tulai san a si vekin ei le in hrang suk le so ah kan vak ih kan sungte kiangah kan um thei lo a si men thei, asinan kan nu le kan hmuh cangte maw kan kiangih an um sungte cu caan tam thei bikih an hnenah kan hman thei ding a thupi.

Ṭhenkhat cu zirnak le ṭuan ṭul ruangah nu le pa kiangah um loin caan kan hman rei tikah nu le pa, inn lam ngainak kan hloh ṭheh lala. Inn lam pehtlaih duhnak lungthin a um nawn lo, inn lamin in pehtlaih hmanah biak phurnak a mal, a vei a tam phei cun kan ning men.

University of California cun mi tam sawn cun kan upat deuh tikah kan nu le pa cu ṭul nawn lo ah kan neih ih thil tam sawn cu anmah aiin kan thei sawn men thei nan, kan nu le pa ngaihsak lo ih kan um a si ahcun an taksa in a tuar dingih an taksa le ruahnak khal a tar ol tiin an hmusuak.

Na hung pitlin tikah sumpai lakluh na neih thei tikah na nu le pa kha ziang siarlonak ah hmang hlah. Hi tiang na thlen thei hi na nu le pai, zuampinak tel lo sehla a ngah lo ding. Na nu le pa cu an damlai rori ah duat aw, an thih hnuah ngai le siraw in ṭap rero khal awla an kirsal nawn lo ding.

Hmun hlaih na um tikah khattawk khattawkah be aw. Anmah ih an lo biak hlanah be hmaisa ṭheu aw. Inn na tlun tikah laksawng pe ṭheu aw, thil sum uar aw. Nangmah lo hringtu an si ruangah lungawithu sim camcin aw. Caan ṭha sunglawi na neih laite ahkhan na nu le na pa kha ngaihsak thiam aw, cutin an damsau thei a si.