Rev. Dr. Rualuk; Ahonihdah ka țuanmi rian hi final aka tuahpiak kun lai?

Rev. Dr. Rualuk; Ahonihdah ka țuanmi rian hi final aka tuahpiak kun lai?
============
Jehovah Pathian khuakhânning hi theihthiam le ruahthiam a har cân a um tak tak ko. Baibal Cathiang timi le Rualuk Study Baibal timi muisam (pungsân or formmation) a ngeihtertu ka rianțuanpi hawi U Sui Mawng nih hi vulei in a ka kaltâk mi hi kai lungsak kho hrim hrim lo.

Rangoon kal dingin Thantlâng in an van i thawh pah ah an nu hmanmi computer laptop an ka chiah ta i Study Baibal kha rak edit țhân law na lim tikah mobile phone ah khumh dingin final ka tuah te lai tiah aka ti. Zahan kha Jeremiah tiang ka lim i tuzing khuadei ka ah Sui Mawng nih an kaltâk cang timi ka theih tikah a ruahawk ka hngal ti lo.

Ahonihdah ka țuanmi rian hi final aka tuahpiak kun lai? A rian na țuanpiakmi na Khamhtu sinah nai dinhmi cu na caah cun a țha deuh ko lai nain kei ka caah cun a tuan tuk rih e. Kei caah cun ruahthiam a har ko. Jehovah Pathian tu nih na ai a awhtu ding ka pe te ko seh mu.

Taksa in hi lei ah na um ti lai lo nain muisam na ngeihtermi Baibal Cathiang le Rualuk Study Baibal ah na thiamnâk le na kutneh tucu vulei a hmunh chung cu a hmun ve lai. Ni ni khat ah van kutka in rakka dong te mu.

Pathian riantuan mi tampi an thih mi hna ii ruah phu bk asi. Zeiruang ah dh an thih ti na khi kn hrilhfiah kho te uh law atha tuk hnga. PT khua khan tin ma kn pom hauh ko la. Tu zing mah thawng ka theih cu ka ngeih chia tuk bochan tak tak mi tam pi a mah Pathian nih tuan deuh i a lak mi hna Bawipa khua khan theih a har ko.

Pathian mi, kan unau taktak hna le kan bochanmi hna nih nih tuan tuk i mual an kan liamtak lai hi cu ka rak ruat bal hrimhrim lo. Mitthli he Bawipa min in kan unau mual a kan liamtakmi hna an chungkhar le an unau dihlak caah thla cam ve peng ko ning.

Lai Caholh lei Bochanmi Pu Sui Mawng a Nunnak a Liam. Nihin (August 4) zinglei sml. 3:30 hrawng ah Yangon ah Pu Sui Mawng a nunnak a liam. Pu Sui Mawng cu Rev. Dr. David Van Bik lehmi kan Lai Baibal Thiang Revised Edition tuahnak lei ah luhlinh in rian a ttuanmi Laica lei kan pa/kan u pakhat a si.

Cu lawng si loin ramchung le ramleng Laimi cauk le Magazine tam u cu Pu Sui Mawng sin ah hin an phan i, anmah nih Layout Design suai, Edit le Print chuah tiang in ttuanvo a lakpiak tawn hna. Yangon ramtthen, Hlaing peng, Myahkanthar Housing ah an um i, caan zeimawzat oxygen he an thlop hnu ah a nunnak a liam hi a si. Pu Sui Mawng nih a nupi le a fale pahnih a taantak hna.

CACC nih Pu Sui Mawng Ngaihchiatpinak an Tial. “Pu Sui Mawng (Pengpeng pa) na liam thawng kan theih cu kan thinlung a kek kuai tuk. CACC ah na chiahtaak mi nan nehnang le na rianṭuan baantaak mi hi zei tin kan hun pehzulh khawh lai. Baibal ca remhṭhannak ding le a thar lehnak kong ah ṭuanvo tamtuk na ngeih rih ṭung. Khrihfa Hlabu namṭhannak kong zong ah kan in herh tuk rih ṭung.

Caan saupi CACC ah staff dirhmun in siseh, expert dirhmun in siseh, zaanghlei cawinak in siseh, na fimnak na thiamnak, na thazaang le na caan dihlak pek in rianṭuannak cungah kan i lawmtuk, kan in upat fawn. Na tlei thawng kan theih cu CACC chungkhar dihlak ca lr CACC ram chung dihlak ca ah kan chunmui a tlun ni a si. Zei bang ti ṭha sian lo bu te in kan liam taak ko kun. Na kal taak mi na lo hma ah kan nih vialte ngaihchia ngai le zaang uai ngai in kan rak cawlcang rih lai. Lung dai te in i din ko mu.” (CACC)

Kan Suttung Pakhat a Pur Than e. Dawtmi Khrihfabu hawikom dawt ram chung ram leng um vialte, kan Lai Bible kong ah kan miphun nih pa can i kan i ngeihmi pu Sui Maung nih Kawlram caan 3:35 AM, August 4, 2021 ah mual a kan liamtak than e. Lung a fak ngaih a chia htinghran ko e, maw kan chan zei ton ko hen kan ton. Pathian khuakhan hi hngalh a har tuk e.

Yangon um Laimi nih kan bochan mi, LBC ah Church Chairman zong can saupi a rak kan ttuan piaktu kan Suttungpi a si mi Pu Sui Maung nih August 4,2021(3:35 am) ah ruahlo ngai in mual a kan liam tak cang. Pa Maung na kan liam tak a tuan tuk ee. Yangon um na hawi le rual , LBC na rianttuan hawi le nih kan in philh kho bal lai lo ee. Kan mit thlam ah na cuang zung zal ko lai ee.

Kan bochan mi hna le kan dawtmi hna nih an kan liam taak cu a faak tuk eee Bawipa khuakhan theih har tuk. Tantak mi chungkhar le u le nu vial te nan ngaihchiatnak Pathian tu nih inhnem hram ko hna seh law. Kan ngaihchia tuk e, Chungkhar hna Bawipa nih hnem ko hna seh.

Be the first to comment

Leave a Reply

Your email address will not be published.