Rev. Thawng Tha Thang nih Chinland Foundation in Chungkhar 1000 rawl pek than a si lai…

Rev. Thawng Tha Thang nih Chinland Foundation in Chungkhar 1000 rawl pek than a si lai…
=================

Rev. Thawng Tha Thang nih Pathian thawng in Chungkhar 1000 rawl kan pe than lai tiah a chim. Ral ruangah mangṭam nih a kan tlak cuahmah. Kan ram nih a tonmi a muih cemmi chan cu kan chan he aa tong hna. Hi lioah mipi rawlṭam lo ding in a si khawh chung bawmh le chanchuh rian (rescue) hi a biapi tuk mi a si ti cu tuanbia ah a lang.

Chungkhar 1,000 sinah ti le rawl pe kho ding in thla ka rak cam nain, Pathian nih ramchung ramleng ummi, ram dawtu hna le Pathian a duhtu hna hmangin chungkhar 14,000+ hna rawl kan pek khawh hna tiah Chinland Foundation President. TT nih a chim.

Hi bantuk Rawl kan i peknak ah ruahchannak, lungdonghlonak, khrihfa hna dawtnak le Chinmi hna lungput kan pek chih peng hna. Kan mipi rescue (chanhchuah) cu Pathian nih a kan fialmi a si bantukin, kan peh peng rih lai tiah a chim. Crd; Thawng Tha Thang

Tarung(တရုံ) khuachuah lei Taloe(တလူ:) ah a kal mi ralhrang phu le KIA kar fakngai in kahdohnak a chuak Tanaing-Shinbuaiyan lamthluan Tarung khuachuah ah ralhrang phu hna cu KIA nih bomb in an doh hna hnuah nihin September 15, zinglei suimilam 6:00 hrawng in kaphnih kar fakngai in kahdohnak a chuak tiah theih a si.

“Nizaan Taloe in a ra mi ralhrang phu hna an si. Zinglei suimilam 6:00 luan in kahdohnak an thok i suimilam 8:00 leng tiang ah an i kap cuahmah lio a si rih. A thi mi le a hliam mi kan thei kho rih lo, an i doh cuanah Lio a si caah” tiah khuami pakhat nih a chim.

A luancia ni tlawmpal ah khan Tarung ah a kai ralhrang phu hna cu Lajabuam(လဂ်ားဘြမ္) khua pawng ah KIA nih bomb puah in an doh hna caah ralhrang phu lei in minung 4 an thi tiah theih a si. Tarung khua lei ah ralhrang phu hna nih minung thazaang an chap, KIA le ralhrang phu kar ah kahdohnak a chuah hi zarhhnih hrawng a si cang.

Sept 14, nizan zan 8:30-10:30pm hrawngah ralhrang nih Thantlang khuachungah meithal an puah len tiah theih a si. Thantlang khua chungah Khrihfabu ngan pakhat a simi Johnson Memorial Baptist Church (JMBC) biakinn cu ralhrang nih an kah chih. Thla-lang a kuaimi le vam a pemmi/rawkmi tam ngai a um. Crd; The Chin Post

Be the first to comment

Leave a Reply

Your email address will not be published.


*