Rihkhawdar I SAC Nih Tlaih Mi CNDF Ralkap Pahnih Ruak An Hmuh

2022 March 26 i Chin Ramkulh Falam Peng, Myanmar le India ramri Gate Rihkhawdar pawng kahdohnak ah ralhrang nih tlaih mi CNDF minung pahnih hna cu April 18 zinglei sang ah an ruak in hmuh an si tiah thawng kan theih.

CNDF ralkap upa pakhat nih Rihkhawdar kah tan i an tlaih mi kan ralkap pahnih hna cu nihin zinglei sang ah an ruak in hmuh a si. An ruak hi a rawk dih cang. Lamkam ah an chiah hna i hmunhma zohfelnak a kalmi kan ralkap hna nih atu bantuk in an hmuh hi a si  tiah The Hakha Post ah a chim.

Atu bantuk in ralhrang nih an tlaih hnu ah an thah mi hna hi Salai Samson le Salai Peka an si i an ruak zong nihin ah tluang tein an vui khawh hna.

CNDF nih March 21 ahkhan Myanmar le India ramri Gate ah Myanmar thantar cu thlak in Chin thantar an taar hnu 2022 March 26 ahkhan Dalan ruang ah CNDF ralkap nih gate an hngahnak hmun cu a thli in an fuh i an kah hna atu bantuk in an tlaih hna hi a si.

CDF Thantlang Chief and commander a rian maw nan phuah lai?, a siloah CDF Thantlang bawmhnak dah kan ngol lai?. CDF TT Chief and Commander hi MAH HNGALLO UICO bantuk in duhpoh in a ummi a si. Kan hnu ah Tikir khua ah buainak a tuahlawng siloin meithal duhtawk in a kan puah hnawh. Culawng hlah, Lautu peng Hnaring khua zongah Buainak a chuahpi rih, cun zahan tan ah mithi ruakthlah lio bak ah ngol hngallo in meithal a puah lawng hlah, khuami a hro hna… minung pakhat fak taktak in a vuak rih.

Hitluk harlefe taktak in mipi nih an paw irek ruangmang in an thawhmi $$ in cawkmi MEITHAL KUAN raltuknak kaltik hmanh ah rikhiah/a zatkhiah piak in kan ikenmi kuan a duhpaoh in raltukanak a silomi ah a kan puah hnawh rih. Thantlang CDF Upa action nan laklo ahcun Thantlang CDF ah ipeh tiloin kanmah le Peng-Tlang cio in kan dir cang lai. Ra Jr. Cla timi facebook cahmai ah an tial mi kan lak chin mi asi.