RIP Apoi Tuk E, HBA MC Kan Tuan Hawi Pastor Biak Sung-32 Peniel Baptist Church Cu 2022 April 4 Zanlei Sml 6:00 Pm Hrawngah Vawlei Nunnak In Van Nunnak In An Kan Liam Tak.

HBA MC kan tuan hawi Pastor Biak Sung-32 Peniel Baptist Church cu 2022 April 4 zanlei Sml 6:00 pm hrawngah vawlei nunnak in van nunnak ah akan thial tak cang.

2012 March 1 in Pathian rian arak thawk i kum 10 le thlakhat zumhtlak le bochan tlak in Pathian riantuan tu tha a si. Sayama Sung kan in siang hrimhrim lo e. Na rianhmi Pathian tangnem ah dai tein rak i din chung mu.

Tantanmi chungkhar le Khrihfabu hna HBA MC tuan hawi le HBA ramchung Area le Local Khrihfabu zapi nih kan in ngaihchiat pi hna i kan in tuarpi hna.

Bawipa nih in hnem ko hna seh law nan mitthli in hnawh piak ko hna seh tiah thlaza kancamThaizing

April 5 zing Sml 10:00 am ah an inn le Sml 11:00 am ah Biakinn thiangah pumhnak aum lai, ngeih chiami chungkhar kal tak mi dih lak tu pathian tu nih in hnem hramko hna seh.

Thawng dang relchih,Ukraine ramchung Khiv hmunhma pawngkam vialte cu Russia ralkap kut in an laak khawh than cang nak cu Ukraine ramchung runvennak deputy minister nih April 2 ah thawng a thanh.

Cuka hmunhma le pawngkam vialte cu Russia ralkap kut chungin zalonnak an hmuh cang tiah Ukraine ramchung runvennak deputy minister nih fiang tein a chim hi a si.

Khuapi le pawngkam khuate 30 cu Russia ralkap kut chungin kan laak than khawh cang tiah Ukraine Cozah zong nih cathanh an chuah cang.

Russia nih Ukraine nitlaknak leiin a ralkap hna cu duhsa duhsa tein a laak thluahmah cang hna tiah Ukraine President nih a chim.

Asinain Russia ralkap hna nih Ukraine ramchung hmun tampi ah vawlei tangah bomb an phum dih caah mipi nih i ralrin a herh taktak rih ruangah mah le umnak inn ah rak kir rih lo dingin president nih a forh hna.

Ukraine nichuahlei ahcun Russia ralkap nih kahdohnak thazaang an chap chin rih caah Khiv khuapi le cuka lei pawngkam hmunhma i tlanglawng i dinhnak station pawng i a ummi.

Ukraine ralkap hmanmi kuanfang khammi tank le oil an chiahnak hmunpi cu vanlawng in kan phomh tiah Russia runvennak vuanci nih April 2 ah khan a phuan.

Ramhnih karlak ah kahdaihnak kongah tonbiaruahnak an ngei lengmang nain i hmuh thiamlonak a chuak lengmang.

Ramhnih president veve cu Turkey ah tonbiaruahnak an ngei kho tiah Ukraine rammi remdaihnak sertu palai pakhat nih a chim.Crd: The Federal Tims.

Thawng dang, Mih nih an kan lawmhbia maw a si, a siloah an kan fak bia dah? Midang a lawmhpitu maw kan si a faktu dah? Zeidah ka tuah deuhawk a si ti hngalh na duh ahcun an idannak hi rak rel ve.

An idannak cu thinlung chungin a chuakmi an si le silonak ah a si. Pakhat cu thinlung chungin a chuakmi a si i, a dang pakhat cu kaa asiloah thluak in a chuakmi a si. Phundang deuh in kan chim ahcun, lawmhnak cu upatnak in a rami a si i faknak cu a si lem loh.

Micheukhat nihcun faknak bia hi fawizaang tein an chimkhawh i chimzia zong an thiam ngai. Midang a faktu si hlah law, nangmah zong midang nih faknak bia in a nungmi si hlah.

Na thinlungtak tein na lawmhpi khawh ṭunglo ahcun zeihmanh chimlo tein um ko. Mi nih hin thinlungtak a si le silo kha a rim in an theihkhawh ko. Cucaah na thinlungtak in na lawmhpi khawh ṭunglo i faknak bia sawsawh lawng a si ahcun cucu nai ruahlo in ngaihchiatnak an phurhtu a si kho.

Thinlungtak loin lawmhnak, thangṭhatnak bia (faknak bia) cu “theseram ah khualtlawng pawl nih cerhti a si rua tiah an fuh i a rak si/um ṭunglomi bantuk a si.” Mi a deuh. Na naih deuhdeuh paoh ah an deuh chin lengmang lai i na hnaibei a dong deuhdeuh lai. Zeicahtiah, a taktak a silo caah khen si.

 

 

 

 

 

88