RIP Pu Ral Tu- Tan Tak Mi Chungkhar Bawipa Nih Hmen Ko Hna Seh

BreakingNews
Thantlang khua chung ah Council ralhraang nih Pu Ral Tu an kah i a nunnak a liam,2021 September 29

Pu Ral Tu (Bawi Bik Thawng pa) cu tu zaanlei suimilaam 6:30 ah Hakha in Thantlang an tlun pah, Pu Aung Bu inn hmai ah Thantlang um ralkap nih an kah i motor cung ah a thi colh, tiah theih a si.

Pu Zo Peng zong a lu ah an khen ve i a nih hi cu a thi lo.

Pu Lawm Bik, Pu Than Heng le an motor mawng cu an him, tiah Thantlang Sipin Committee Chairman Pu Ram Khar sin in theih a si.

(Thawngpang tling deuh in tial khawh kan rak i zuam than lai)
Thantlang ah Kawl Ralkap nih Pu Ral Tu an kah i a nunnak a liam,September 29 Thantlang Peng, Hriangkhan khuami (Thantlang khuasa) Pu Ral Tu (Bawi Bik Thawng pa) cu Kawl ralkap nih September 29, 6:30 PM ah meithal in an kah i a nunnak a liam, tiah kan theih.

“Zaanlei muilai 6:30 PM hrawng, Hakha in Thantlang an tlunpah, Pu Aung Bo innhmai zawn an phanh ah Kawl Ralkap nih meithal in an kah i motor cung ah a nunnak a liamcolh,” tiah Pu Ram Khar sin in kan theih.

Pu Ral Tu he motor aa cit mi Pu Zo Peng (Thantlang Peng USDP Chairman, Candidate- 2020 election) hi alu ah meithal kuanfang nih a khen ve. Cun, Pu Lawm Bik, Pu Than Heng le motor khaaltu cu an him, tiah kan ttheih Atanglei hi CNLD, Thantlang nih an langhter ning a si.

Pu Ral Tu (Patron, Chin National League for Democracy – Thantlang Peng)

Pu Ral Tu @ Bawi Bik Thawng pa (kum 80s) hi a nunchung miphun, ram le biaknak caah aa pe zungzal mi le kan ramkhel, kan biaknak le kan miphun nih kan bochan zungzal mi a si. 1990 thimnak lio in Chin miphun caah harnak tuar in a rak cawlcang i ralkap namnehnak, a innlo le a ngeihchiah chuh tiang a ton buin, miphun dirkamhnak ah hramfek tein nihin tiang a nunnak pek in miphun caah a dir zungzal tu a si.

Nihin ni ah kan pa, kan miphun nih kan bochan mi nih a kan liamtak cu kan celh hrimhrim lo. Kan lungfah kan celh lo. A nunchung ah a tial mi tuanbia le a dirpi mi a zumhnak cu a dawtmi a Miphun le a tu le a tefa cung ah a hmun zungzal lai.

Kan Pa (Bawi Bik Thawng Pa), NA LIAM SIAHERH HLAH. NA RIAN TLAMTLING TEIN NA TUAH DIH CANG. NA KAN ROHTAK MI LE NA SADUHTHAH CU NA DAWTMI NA FA, NA MIPHUN NIH TLAMTLIN DING AH KAN I ZUAM LAI.

A HMUN LOMI VAWLEI RAM Ah NA KHUALTLAWNNAK PATHIAN NIH THLUACHUAH HRAM SEH. NA TUHMI THLAICI FEEK IN HRUM ZUNGZAL HRAM SEH.

Lungfah ngaihchiat bu in,
CNLD (Thantlang Committee)

Theihternak: Kan Pa Pu Ral Tu a riantuannak le a tuanbia tlamtling te in zapi sin ah kan vun in hrawmh te hna lai.
Ref. Tha Hakha Times

Be the first to comment

Leave a Reply

Your email address will not be published.


*