RIP: Ronald Za Thawng Rung Hnin (kum 31) Nih Tuantuk Ah Mual A Kan Liam Tak Cu A Poi Ko!

RIP: Ronald Za Thawng Rung Hnin (kum 31)
==========
A tuantuk deuh lo maw bochanmi kan fapa Ronald. Kan in sian rih naisai ttung lo. Na kan kaltak a tuan tuk e.
Kum saupi kan Khrifabu Mino cawlcanghnak ah bochanmi na si, Church Choir hruaitu le music lei awttha na si. Na pahrang ngeihmi in Pathian na kan thangthat pi. Thlaraulei thazang kan rak la cio tawn.

Na cung ah kan I lawmtuk. Atu cu an daw deuh tu Cunglei na Pa ttangcung ah I din cang ko ne law. Ka fa pa ANal na kal tuan tuk ee ka ngeih achia tuk. Ka fa pa ANal ka kal tuan tuk ee ka ngeih chia tuk. Na pam tuk e kan nuapa aw ngaihchia kho tuk izumh her ko.

Ronald na paam tuk ti leng in cun chim ding bia hi a um ti lo ee. Na kaa le ka pi aa tlak tuk mi. Riantuan kan tlunkal ti lio kha mitthlam ah a cuang tuk ee. Na Nu le na Pa zawn na ruat lo ee. Ka pi aw fa tampi hrin ding si ee.

Kaa nek cang ko ka ti zong ah ee a caan ahcun ee ka u ti awk le ka nau ti awk um lo cu a har tuk pah ee na ka ti kha. Aanald kan tlunkal pah khan zei le zong bia kan i ruah tawn ee capo kan sai tawn ee. A tu ah cun mu tuanbia ah an cang dih ai ee. Aanald i kal chung kun law zei bang ti awk tha lo mu.

Ronald, Hla cawn kan rak sawm lio, Pumh kan rak sawm lio, Siizung kan rak kalṭi lio, Rawl kan rak eiṭi lio, Kan rak i riah lio, Khrihfabu caah bia lungduh ṭhaṭha kan i ruah lio hna kha ka ngai tuk ee. Hawikom tlaihchanmi na si. Na pawng te ah kan umpi peng khawh lomi ka ruah ka celh lo ee.

Khual ka tlawng kar ah an dawtu Pathian sin ah na rak ka dinhtaak fawn. Tutan ka rak tlun cu na aw aan theih um ti lai lo mu. Phone kan i chawnh tawn le ca kan i kuat tawn kha.. ka ngai ee. Lung a faak ngaih a chia ee. Vancung ram tu ah rak kan dong te mu.

Ronald, a tu kan i ṭhen cu cikhat te dawh si ko lai cu.. Kanmah nakin an daw deuh tu Pathian sin ah rak i din cang law. Zungzal a hmun dingmi Vancung ram, zawtfah dam lonak, temtuarnak, ngaihchiat mitthli tlaknak um ti lonak hmun tu ah kan i tong ṭhan lai mu. Na dawtmi na hawi, Na Pastor, Na nau, Van Neih Bik

Be the first to comment

Leave a Reply

Your email address will not be published.