Russia Nih Kawl Ralhrang Hna Hriamnam A Pek Hna Lai Maw?

March 19 ah Russia in ralhriamnam phurtu vanlawng cu Naypyidaw a phan lai tiah theih a si.Russia in IL-76 vanlawng cu Moscow in a rak zuang lai i March 19 ah Naypyidaw ah a tum lai. Mah vanlawng hi Moscow-New Delhi-Naypyidaw tiin a ra lai i Naypyidaw-Mumbai-Moscow tiin a kir than lai.

Hriamnam a pek hnga ding mi cu Sniper Rifles meithal pawl, a hlan ah Russia ram ah remh dingin Myanmar ralkap nih an rak kuat i an remhmi MIG-29 raldohnak vanlawng seh (engine) pahnih le Bomb Fuse 260 a si lai tiah theih a si. Hi hriamnam hna hi Myanmar ralkap nih Russia ah an cahmi a si ti si.

Myanmar ralkap nih hin Russia ram i ral hriamnam sertu company JSC Rosoboronexport sin in hriamnam a cawkmi a si. MIG-29 raldohnak vanlawng engine zong hi JSC United Engine Corporation nih an remhmi a si tiah a chim mi cu asi. Sihmanhsehlaw, UN Security Council meeting hnu bikah khan Russia nih Myanmar sinah zei bantuk hriamnam hmanh ka pe ti lai lo tiah a rak chim cang mi a um.

Cun Russia ram in Charter Flight E190 vanlawng cu March 21 ah Rangon ah a tum lai i March 26 ah a kir than lai. Hi vanlawng cu Russia ram ah a ummi Myanmar mi le Myanmar ah a ummi Russia mi hna tlunkalnak a si lai ti si i, hi hi cu, zeibantuk vanlawng ava sihmanh ah, hriamnam phur mi cu asi lai tiah zumh a um lem lo.

Myanmar ralkap an thil tuahmi le cawlcangh ning cu tihnung a si cang caah ralkap lei pehtlaihnak ngol dingin kan tuaktan cang tiah Russia nih March 12 ah khan an thanh cang caah,raltuknak hriamnam lei hi cu,a pek taktak lai tiah zumh asi lem lo.

Source: Mizzima News

Be the first to comment

Leave a Reply

Your email address will not be published.