Russia nih Ukraine a Luh Hnawh Zingka ah Khupbil in Thla a Cammi Ukraine Khrihfa pawl

February 24 zingka, Ukraine ram Kharkiv khuami pawl cu Russia bomb thawngpang nih ihkhun cung in a hlauh hna. Cu lio ah cun innleng (Town Square) ah khupbil in Pathian sin ah thla a cammi mibu fate zong an um ve. Live in thawngpang a chim liomi CNN Journalist Clarissa Ward nih tha a cammi pawl cu a hmuh hna tik ah a chim liomi thawngpang a ngol i, Hikahin khupbil in thla an cam hna. Mi lung a tawng tuk hringhran, tiah a chim.

Ukraine rammi 90 percent hrawng hi Khrihfa an si hna. Russia nih atu bantuk in aruang um loin a hun luh hnawh tik ah Ukraine biaknak lei upate nih Psalm 31 rel in Pathian sin bawmh hal thlacam cio ding in rammi pawl an forhfial. Ukrainian Bible Society zong nih, Kan ram nih kan tonmi nganfahnak hi kan tuarpi ve hram u. Pathian sin thlacamnak in kan bawm cio u, tiah Twitter ah thlacam bawmh halnak an ttial. The Chin Journal

Be the first to comment

Leave a Reply

Your email address will not be published.