Russia-Ukraine Tu Tan An I Ton Than Nak Ah Cun, Mipi Nih Cun A That Lei Ah An Ruah Nain Tonnak An Neih Mi Cu Mipi Caah Ngeihchiat Nak Tu A Chuak.

Russia le Ukraine daihnak a um khawh nakhnga tonbiaruahnak cu Turkey ram Istanbul khuapi an tuah ṭhan a si i tutan tonbiaruah ah hin cun a ṭhalei an panh ṭheo lai ti an zumh caah Europe ah cun Oil man zong a ṭum, tiah theih a si.

Nihin March 29 tonbiaruahnak ngeih ding ah hin March 27 ah khan Russia President Putin le Turkey President Ardogan nih ceihkhan chungnak an ngeih hnu ah kaphnih lungtling in tuah si i, tutan Ukraine le Russia daihnak kong biaruahnak ah Turkey President nih biatawi chimnak zong a ngei.

Russia le Ukraine palai pawl i tonnak hi February 28 ah khan a voikhatnak bik ah rak tuah a si i, atutan hi a voi 4nak tonnak an ngeih a si.

 

Kalaymyo Ah Puahkehnak Thawng Voi Tampi Theih A Si

Kalaymyo nitlaklei sang ah nihin March 29, zaanlei suimilam 7:00 hrawng in meithal puah thawng voi tampi kan theih, tiah Kalaymyo khuachung um mi hna nih an chim.

Tuzinglei ah Kalaymyo Tahan sang motor lampi kam ah umhmun khuar mi SAC ralkap hna cu PDF-Kalay in an kah hna.

Cun, nihin chun zong ah Tahan sang pawng Ngawngtaw khua pawng leikuang lak ah hriamngan 2 a tla i, a puak, tiah theih a si.

Hakha Ah SAC Ralkap Helicopter Pakhat A Tla

Chin ramkulh Hakha khuachung SAC ralkap thilphor helicopter pakhat cu nihin March 29 zinglei suimilam 9:30 hrawngah Hakha khuachung Cawbuk sang le SAC ralkap 266 sakhan kar Farkung lak ah a tla tiah kan theih.

” Hi Helicopter hi Nihin zinglei suimilam 8:50 hrawngah Kalay in Hakha ah tanghra caminpuai phit ding mi questions a phurtu a si i, Hakha ah ttumding ai timh i meter 100 tlukhrawng aa duh ah a tlak hi asi i a mei lei a kiak tiah kan theih. Helicopter chungah.

SAC ralkap 2 le SAC kuttang cozah riantuan( education department) in minung 3 an i tel, Hakha siizung ah an 5 ningin thlopbul lio an si, fak in an i hliamlo caah thinphanding a um lo tiah SAC nih thanh.

Exam caah questions phorhmi hna zong rawkral lo tein in anmah le hmunhma cio ah pek an si cang, helicopter zong cu ralkap le rianngei hna nih dawhchuah ding in an tawlrel ko tiah Zaw Min Tun nih a chim.

Helicopter a tlaknak hmunhma cu SAC ralkap nih an ven caah duh paoh in umkal le luhchuah a ngahlo tiah theih asi, ” A tu ahcun cu Helicopter tlaknak lei cu kal a ngahlo, a tlak thawng zong a thang tuk lo, A tlaknak hmunhma hrawng ah pakhat khat cu kangh dawh si” tiah Hakha ummi pakhat nih a chim.