SAC Nih Tuni Ah Rial Ti Khua Biakinn An Kangh

SAC ralkap nih Falam Peng Rialti khua ah Biakinn tel in inn 4 khangh,

October 13| Kalay in a rak kai mi SAC ralkap nih Falam Peng Rualti khua Khrihfa Biakinn tel in inn 4 mei in an khangh, tiah kan theih.

“An khanghnak khua hi Hakha le Falam kar khua a si i minung tlawmte (inn 12 hrawng) an umnak khua a si. Nihin October 13, zaanlei 3:15 PM hrawng ah khan SAC ralkap nih mei in an khangh tiah an kan chimh i kanmah lei zong atu hi kan zaam cio,” tiah khua kiangkap minung pakhat nih The Hakha Times ah a chim.

Hi hna pawl hi zahaan Falam khua ah a riak mi an si i Lungpi khua ah atu hi an bualcaam.
Crd. The Hakha times

Kan Kah Cang Ko: Salai Htet Ni
2021 October 13 —

CNF/A chimnak nawlngei Salai Htet nih Kawl Ralkap cu “kan kah cangko” tiah Kawlram caan sml. 12:20 tluk ah a pumpak Facebook ah a thanh.

Falam khuapi in zingka sml. 8 fai ah Ralkap mawtaw 11 le Raltuknak Tank 2 cu an chuak i, a luan ciami sml. 1 tluk ahkhan, Lungpi khua an phan i, khualuhnak le lamkam ah Kawl Ralkap nih meithal an thlah pah thluahmah mi cu Khuami sin in kan theih.

Phung ning tein cathanh chuah mi cu a si lo nain, CNF chimnak nawlngei nih khawika zawn set in dah kan kah thawk timi bel a chim chih lo. Asinain, chimnak nawlngei nih Kawlca/Laica he a tawite in a tialmi nih anmah (CNF) min in an kahnak a fianter a voikhatnak a si tiah ramkhel lei tuaktaanmi pakhat nih a chim.
Crd. The Chinland Post

Be the first to comment

Leave a Reply

Your email address will not be published.


*