SAC Ralhrang Hna Nih Cun Monywa Sipaazi Sianghleirun, Kai Lio Mihna Cu, SAC Ralhrag Hna Nih Cun, Bomb In An.

Sagaing ramthen, Monywa khuapi, Monywa Sipuazi Sianghleirun ah April 1 zaan sml 11:00 hrawngah hriamngan in an kah.Cu bantukin kahdoh ruangah Sianghleirun innpi cungah tla in a puak i, zeibantuk hriamtlai phu nih an kah timi theihfian a si rih lo.

March 30 zaan zongah khan Monywa Sipuazi Sianghleirun camp chungah Kawl ti-toih puai caah lam a cawngtu SAC ralhrang ralkap dirhkamtu hna cu PDF fonhmi phu nih hriamngan in an kahdoh tiah theih a si.Crd: the federal times.

Dawtnak kong thawngdang,Dawtnak par zong hi ziamh caan a ngei ve theo tawn. Reality Star, Kim Kardashian le a pasal Rapper Kanye West hna cu kum 7 chung vawlei ah duhdawtnak in caan an hman hnu ah itthen caan nih a hun phakpi ve cang hna.

Kim Kardashian nih a pasal Kanye West tthennak ca a file taktak ko cang tiah TMZ hna nih an phuan. Ttha tein an itthen khawhnak dingah Kim Kardashian nih lawyer Laura Wasser cu ai ruaih. Kim le Kanye te nupa kar hi hlanpi in an rak inuam ti lo hrimhrim.

An itthennak caan a nai cang tiin social media pawl nih tu le tu in an rak tarlangh lengmang cang.Kim nihhin divorce paper ah an fate 4 zohkhenh khawhnak ding lam a kawl. Kaphnih kar ah itheihthiamnak um loin tluangte in itthen dingin kalpi a duh.

Kardashian’s publicist nihcun itthennak ca a file nak kong lawng hi a chim. A dang zeihmanh a chim chih lo,West nih US President ai cuh thok khan a nupi a sualnak fiangte in a rak pholangh cang. South Carolina ah Campaign event a neih tan le.

bang ahcun Kim he an nupa kar chim lo ding pipi tampi mipi khuaruahhar viar in a chimh hna. Kanye nihhin a pi Kris Jenner bak zong, Kris Jong-Un. Ti bakin a auh. A hnu ah a nupi Kim Kardashian nih an pa cu Bipolar disorder a nei tiah a chim.

Hi thok hin an nupa kar ah itheihthiamlonak hi nikhat hnu nikhat in a karhter. Kanye hi a nupi le a fale cungah izukphiak in Wyoming ah caan tam deuh a hmang tawn. Kim tu cu Calabasas ah a fale he an um. Kim Kardashian nih hin Kanye he an nupa ikar hi venhim peng a duh ko nain.

a si kho ti lo. Kim le Kanye hna hi May 2014 ahkhan Italy ah an i um i an i neih hlan June 2013 ahkhan fanu North West an nei. Tu ahcun fa pali North, Chicago, Psalm le Saint hna an hrin cang hna.

Kim caah cun pasal pathum a tthennak a si lai. A hlan ah Music Producer Damon Thomas he an rak i cang i 2004 ahkhan an itthen. August 2011 ahkhan Humphries he an i um tthan. Nain an i um in ni 72 nak bak ah an i tthen tthan hoi. Kanye West ca tu ahcun a nupi tthen hmasabik a si lai.