SAC Ralhrang Hna Nih, Lam Ah Bomb An Chiah Mi Nih, Mipi Citmi, Motor Cu, Bomb Nih A Puah Hnawh Ca Ah Minung Pa 7 An.

Sagaing ramthen, Minkin le Kalaywa karlak motor lampi ah Hondafit motor rangmi pakhat cu April 5chun sml 1:00 hrawngah bomb lamhsual in a puah caah minung 6 ruak cu hmuh an si nain minung pakhat ruak hi hmuh a si rih lo tiah theih a si.

Cu motor cu Minkin khuapi in Kalaymyo ah a kalmi a si i, bomb pahnih bak pehzulh in an puak.Motor cungah a thumi hna cu: 1. U Soe Ya Ya, 2. Daw Nueh Nueh Lin, 3. Mg Ye Yinh Thu, 4. Ms. Yun Leh Wai, 5. U Than Win Maung, Mg Pyay Phyu Wai hna i ruak cu an hmuh nain Moe Sanda Myint ruak cu an hmu rih lo.Crd:         The federal tiomes.

CDM tuah mi Ralkap le Police pawl hi India in Australia lei luhnak lam a um kho lai maw timi kongahIndia Cozah Delhi nih Kawlram minung a hohmanh Police Clearance Certificate PCC le Exit permit a pe hna lo. Cu caah Ralzam in caan saupi Delhi ah a um cang mi, Australia Visa a hngak cang mi zong an taang rih, Visa a hmu cang mi zong.

Exit permit an hmu kho rih lo. Cu caah CDM police le Ralkap caah Special provision zong a um rih lo caah mizeihmanh Delhi in Australia lanhnak Exit permit an hmu kho rih lai lo ti nak asi. Kawlram Cozah taang ah Doctor a rak simi chung in CDM a tuah mi, Visa le Passport aa tlaih cang mi zong Exit permit pek lo ruang ah an taang ko rih.

Ralzam thar caah ramthumnak ruahchannak um maw timi biahalnak: Mizei hmanh nih fiang tein chim khawh a si lo. Nain tutiang boruak a tlangpi huap in chim ahcun UNHCR nih Ralzam thar cu Register a tuah ko hna i UCC Card Under Consideration Certificate a pek hna. A si nain zeitik ahdah.

Refugee Status taktak a pek hna lai timi chim awk a tha lo, a pe hna lai maw timi zong chim awk a tha rih lo. UNHCR card, Refugee Status hmuh taktak lo ahcun Australia chungkhar auhnak i tuah zong ah India Cozah kut, FRRO ah buainak a um than lai caah auhnak a tlamtling kho lai lo.

Note: PCC le Exit permit kong khi keimah pumpak zumhnak men in tial mi si loin, India upa cheukhat he ton biaruahnak, PCC le Exit permit kong buaipi pah in, Mizoram Cozah Cabinet minister minung he biruahnak in thil a lang mi chung in a tawinak in langhter mi asi. Fiang taktak in, a vuntial ko hih.Crd: Salai Cung Dawt.