SAC Ralhrang Nih Jetfighter An Hman Than

Kachin ramkulh Phakhan khuapi ah KIA Le Ralhrang Kahdoh nak ah  Ralhrang Nih Raltuknak Vanlawng Jetfighter an hman than tiah theih asi. Nihin November 14 zinglei sml. 7 hrawng in Phakan myone chung i aum mi ralhrang sakhan 3 cu KIA nih voikhat ah an luh hnawh I an kah hna caah kahdoh nak faktuk in achuak I SAC ralhrang hna nih Jetfighter in an kah hna.

SAC ralhrang sakhan pawl an kah hna hnu Sml. 2 arauh ah khin Jetfighter in an rak bawmh hna hi asi, asi nain kahdohnak kongkau dikhliar in thawng kan than kho rih lo tiah KIA chim nak nawl ngei tu Col., Naw Bu nih cun achim. Tuzing sml. 7 ahkhan ralhrang sakhan pa 3 kan kah cu hnu ah Jetfighter in an rak bawmh hna I an kah kah ti tiang lawng hi thawngpang arak kai rih tiah achim chap.

Cun Phakan in Chaklei meng 10 ahlat nakah tuzing thiamthiam ah kahdoh nak achuak i SAC ralhrang sakhan Aungliang sakhan, Saicia sakhan hna cu KIA nih an lak tiah Phakhan um mi pakhat nih cun achim. Hi I kah nak ah ahin SAC ralhrang lei athi mi an tam I an hriamnam zong tam ngai an piak hna. KIA nih SAC an sakhan an  lak lio ah hin hmun I aum mi SAC ralhrang hna nih hna hriamngan(miakpi) in an rakbawmh hna hnu ah, atubantuk in Jetfighter hmang in an rk bawmh hna hi asi. Rff; Myanmar Now

Nov 13, nizan ah Magway ramthen, Natmauk market cu a kaang i dawrkhan 200 renglo hna cu an ciam dih tiah theih a si. Hi market kanghnak ahhin khuami hna nih ralhrang tanhtu pawl kutneh a si lai tiah an zumh. Meikangh hi zaan 9:30PM hrawng ah aa thawk i suimilam pakhat tluk a kang, market i cheu li ah cheu thum cu a kaangh dih. Zaan 11:30PM hrawng lawngah mei a dai tiah theih a si.

Khuami pakhat nih cun Ram pumpi ah NLD zung tampi bomb an puah hnawh i an hrawh. Nizaan ah khan Pohpa ah a ummi Daw Khin Gyi Foundation training sianginn zong mei a kang. A thaizing ah atu kan khua Natmauk market a kang. A kangh caan hi hohmanh a leng chuah a ngah lo caan, leng chuah an kham caan a si. A kaangmi market hi anmah ralhrang tanhtu nih an hngah mi a si. Natmauk cu NLD lawng kan um nak khua a si.

Mah Caah hramhram in market hi an khangh mi a si. Phundang cun NLD lawng a tanhmi khua an hrawh ti khawh a si tiah a chim. Natmauk khua a ummi meithat zungah market a kanghnak a ruang an hal ko hna nain a kanghnak a ruang tha tein an chim duh lo. Meithat zung riantuan pakhat nih cun Dawrkhan 200 nak tlawm lo mei nih a kangh. A rawkmi dihlak a man tuak ah a tlawmte lo. Mei kaanghnak ruang cu kan thei kho rih lo. Kan hlat lio a si tiah a chim.

Be the first to comment

Leave a Reply

Your email address will not be published.


*