SAC Ralhrang Nih March Ni 6 Ah Pu Rung Hu Cu An Thah

Chin Ramkulh Hakha Peng Chuncung khuami Pu Rung Hu cu ral ruang ah an zaamnak in zaan khat le nikhat a tlau hnu SAC ralhrang nih an thah i 2022 March 6 zinglei sang khuachung ah khuami nih a ruak in an va hmuh tiah theih a si.

Pu Rung Hu hi SAC ralhrang nih meithal zun nga in an kah tiah theih a si. A thihnak kong he pehtlai in min langhter duh lo pakhat nih Kan upa Pu Rung Hu hi ralhrang an ra ti thawng an kan thanh hnu khuami hna kan zaam ah a zaam ve ko.

Kan zaamnak hmun in a tlau i atu zaan khat le nikhat hnu khuachung an inn pawng tiva hor ah a ruak in kan hmuh hi a si tiah The Hakha Post ah a chim.Pu Rung Hu hi kum 49 upa a si. An kahnak hi a thinhmaka le a taang ah zun li le a lu ah zuun khat in an kah i a ruak cu an inn thlang tiva ah an hmuh tiah kan theih.

Thawng dang relchap….Kalay in Hakha lei panh in a ra mi SAC ralhrang hna cu CNA nih Falam Peng chung ah an kah hna zarhkhat a rauh hnu Hakha Peng lei ah an lan i, nihin 2022 March 5 ah Hakha CDF le CNA ralkap hna nih Chuncung le Hakha kar ah an kah than hna i SAC ralhrang a tlawm bik minung 7 an thi tiah theih a si.

2022 March 5 ni Hakha le Chungcung kar an i kahnak ah SAC ralhrang lei nih bomb an thlah mi in ram mei a lawn i meikhu a tam tuk ca ah sau an i kap manh lo ti zong thawng theih a si.Hakha le Chuncung khuakar

kahdohnak kong he pehtlai in. Hakha lei panh in a ra mi SAC ralhrang hna hi Chuncung ah zaan khat an riak zaan khat hi Chuncung lonh ah an riak. Tuzaan lei kha Hakha lei an panh i CNA le CDF ralkap hna nih an kah hna.Hi an kah hna nak ah

SAC lei bomb in ram mei a kaang i meikhu ruang ah sau an i kap lo. SAC ralhrang lei tu minung 7 an thi. tiah thawnghram pakhat sin in kan theih. Atu tan SAC ralhrang Laitlang a kai mi hna hi CNA nih Falam Peng in an kah hna i Chuncung lonh tiang minung 70 fai an thi tiah theih a si.

Be the first to comment

Leave a Reply

Your email address will not be published.