SAC Ralhrang Nih Matupi Ralzam An Thahmi Hna Ahnu Bik Update  

January 7 ah Matupi peng ah SAC ralhrang nih ralzaam minung 11 an tlaih hna i, SAC ralhrang nih cun lamhmuhsaktu ah an hman hna hnu ah thah an ton hi a si.  Matupi khuami pakhat nih, Atu tiang ah minung 9thah an tong tiah an chungkhar hna sin in kan fehter khawh.

A dang zong hi thah an tong ve kho tiah kan zumh. Asinain, kan fehter kho ngaingai rih lo, tiah The Chin Journal ah a chim.  Atu tiang ah SAC ralhrang kut in an nunnak a liam tiah an fehter khawhmi hna cu: minung 9 an si tiah an fehter khawh.Kehlei in-(1) Pa Le Mang (ngakchia kum 13)(2) Mamar Pa(3) Salai Tin San(4) Pu Tui Dim(5) Pu Va Htoo(6) Phupa Sali(7) Pu Lian Ngai (8) Salai Steven (9) Pu Thak Lung hna hi an si. Thah a tongmi hna hi Matupi peng khuate pawl ah khua a sami hna an si i an innlo chuaktak in hmun dang ah a zaammi an si.  Hmanthlak ah aa tel lomi Salai La Ring le Salai Za Caet Aung zong SAC ralhrang nih an tlaihmi hna ah an i tel ve. Crd; The Chin Journal

The Hakha Post nih an tial ning ah cun minung 10 ruak hmuh an si cang tiah an langhter ve, 2022 January 6 i Matupi peng Lunghlaw le Kihlung khua kar ah tlaih a tongmi ralzaam hna cu an ruak in 2022 January 9 ah hmuh an si i nihin ah Matupi CDF nih an ruak an vui hna tiah thawng kan theih.Thawngpang kan hlat ning ah A hramthawk an tlaih mi hna hi minung 9 an si. Nihin an ruak kan charmi hna ah minung 10 an si. An ruak hmuh mi hna hi Matupi Peng chung minung lawngte an si  tiah thawng hram hna sin in kan theih.

Atu a thi mi hna chung ahhin CNF chungtel a si mi le Khonumthung Media ah rian a tuan lio mi Pu Tui Dim zong aa tel tiah kan theih. Thawngpang laknak THP

Be the first to comment

Leave a Reply

Your email address will not be published.