SAC Ralhrang Nih,Matupi Peng Waito Khuami 3 An Tleih Hna. SAC Ralkap Nih An Tlaih Hna Rih Hlei Ah CNDF Thantar An Thlai.

Chin ramkulh, Matupi peng Waito khuami 3 hna cu nizaan March 24 ah SAC ralkap nih an tlaih hna i SAC ralhrang hna nih cun an, sakhan ah an kal pi hna tiah Matupi minlangterlo pakhat nih cun a langhter.

SAC Ralhrang  thazaang cu,100 tluk a si mi SAC ralkap phu nih Waito khua cu zaanttim ah an luhhnawh i khuatlung an chek i khuami an phone pawl an chuh dih hna mah lawng hmenh cu si lo in an neih mi, lungvar tiang in an chuh hna tiah theih a si.

SAC ralhrang hna nih cun,Khuami pawl phone an chuh dih hna caah theih hngalh mi hawikom zong. phone chawnh rih lo ding in Waito khuami pakhat nih theihternak a tuah mi zong social media ah hmuh khawh a si.

Khuami 3 SAC ralkap nih a ruang umlo in an tlaih hna i a tutiang an thlah rih hna lo. Matupi in Waito khua ah phone in pehtlaihnak a hei tuah tu Maung Kolwel zong SAC ralkap nih an tlaih tiah tualchung media nih an langhter

March 23 zong ah Chinram thlanglei Mindat, Matupi lei ah SAC ralkap motor 82,minung thazaang 200 hrawng an rak kai i CDF he kahdohnak a fak kho te men tiah lungrethei in mizapi an um hna.

Chin Ramkulh, Falam peng Rihkhuadaar ah ummi India Myanmar ramri hlei ah, SAC ralkap nih an hman mi thantaar cu thlak piak in, CNDF thantaar an thlai cang, India Myanmar ramri hlei hi Chin ram le Mizoram aa pehnak a si i chawheh thal nak ah an hman mi hlei pakhat a si.

Rihkhuadar khuachung ah Chin ralkap hna le, SAC ralkap karlak kahdohnak a chuah lengmang caah khuami hna cu Mizoram lei ah an zam dih hna tiah khua chung um pakhat nih cun a chim.

Myanmar Indea ramri hlei ah cun Chin ralkap hna nih thantar an tar lawng silo in um hmun zong an khuarnak i chek gate zong an tuah caah, SAC rian khinhmi.

Chin State Chief Minister Pu Ngun San Aung zong nih kan hnu, fabrey  thlazong ah khen, Indea Ramri ah, ralkap chiah dingin ngun san aung nih cun, a pu pa min aung hlaung sin zong ah a rak chim.