SAC Ralhrang Ralkap Le Buesawtyi Sakhan Luhhnawh An Tong A Thi Mizong An.

PDF-CEU le ABSDF fonhmi phu cu April 11 zinglei sml 1:30 ah Sagaing ramthen, Tamu pengkomh, Myothit Myo, Thung Kathin-Tung Manah lamtluan ah SAC ralhrang ralkap kuttang palek le Buesawtyi 10 tluk umnak sakhan pakhat cu luhhnawh an tong.

Cu bantukin sakhan an luhhnawh lioah palek pakhat le Buesawtyi pakhat an zaam manh i, sakhan ah a ummi an hawile vialte le hriamnam vialte cu laaksak dih tlaih an si.

Cu an tlaihmi hna cu SAC ralhrang ralkap he i fonh ti lo ding, mipi sinah phaisa zong hal ti lo dingin chimhrinh an si hnuah thlah than an si.

Rel nuam ngai rakrelve cio uh, Mihrut:Mihrut,laiholh ah,milung khatphur tiah an ti tawn mi hna nih an hruhnak a langh khawhnak a awl bik mi cu,Khrihfabu lei ah maw Miphun le ram dawtnak lei kong ah maw a cawlcaang ngai mi le theihhngalh ngai mi i an um tik ah,hawi le hna le mah le miphun hna nih,nangmah cingcing na si ko.

pasalttha ciammam,nangmah bantuk hi kan ram le miphun nih a herh,nangmah um hlah law kan khrihfabu hi cu airawk bak ko lai.Nangmah na cawlcangh ruangah thil hi a tlam a tlingTthua thluahmah,tawng thluahmah hna,tibantuk phun in ca hna an kuat tik hna le an cattial mi hna coment an peek i an forh tik hna ah khin,an i hngalh lo kar te ah khin khur ah an tla diam sual tawn.

Hi kon ah hin kan pupa hna nih tihin an rak kan chimh bal,Vawrvok zunput Ek-khur tla,an ti tawn.Vawrvok,cu nangmah na sibik ko tiah an rak ti le cucu a rak ilun ciammam le a hawile hmai ah leksuai taktak in ai cheih len i a hmai ah zei a um ti a zoh thiam ti lo caah ek-khur chungah a rak tla i,a rak chuah tik ahcun ek rim a namtuk caah.saram dang nih na si lai tiah an rak ti mi zong an siter lo.

Asullam cu,ek rim a namtuk cang caah a pawngah saram dang an um kho ti lo,a ek nih a kan namhtuk,a ek pel kan i neh sual lai an ti i,a tutiang hin vawrvok pawng ah saram dang cu an um ngam in an um duh thai lo e,an ti.

Miffim:Mifiim cu,miphun le ram caah siseh,Khrihfabu caah siseh an tuahttuan le an cawlcangh tik le a hlei tiawk in thazaang an chuah tikah,cu an tuahttuannak le thazaang an chuahnak le chaw le va an peeknak kong an thangthat tik le an cattial mi hna coment an peek tik hna ah khin,tuahttuan chinchin an izuam.

Cun,Tlawmpal sawiselnak an tawn sual zongah midang zo langhter an duhlo i,aidawhnak in zapi sin tu ah hil sining kha an chim.A cheukhat lebang,a fiim chinchin mi hna lebang nih cun,a tthatnak le bia maw a chiatnak lei bia maw a theih sual tikah,lehnak zei a tuah lemlo,a herh a ti ahcun like hna a pek men ko hna.

Cubantuk pawl cu kan miphun ah hin an tam hrimhrim lo, a um chuun hi,kut caang khiah zat hmanh khi an tling lo.Hi ka ttial mi ah khan mihrut le mifim an bia chim le an cattial ning in nan kan tleih khawh ko lai tiah ka zumh.

Note:Hi kong hi keimah hrimhrim hi thatlonak lei ah ai tel ve mi ka si tawn caah midang kha ti hnawhchan a um lo,kan miphun chungah hin a um pah tawn mi zohchih in ka ttial mi tu a si.Kailawm.Crd:Tinduh Thang.