Karen ramkulh chung kahdohnak ruang ah Thailand ram lei ah a zaam mi Myanmar ralzaam 1700 leng cu Thailand rammri ah i dor khawh umnak nak ding in sersiam piak an si tiah The Nation newspaper nih an langhter.
Myanmar ralzaam 1759 cu Thailamd ram Tos pengkomh chung i ramri lei kap ah ummi khuate 3 ah chikhat i dor khawhnak ding sersiam piak an si tiah UNHCR ton biaruahnak ah Tos pengkomp ukbawi nih a chim.
Karen ramkulh chung ah a luancia zerhhnih ah khan KNLA le SAC ralkap kar ah fak tuk in kahdohnak a chuah ruang ah tualchung mipi cu umnak chuah tak in an zaam hna.
Thailand ram lei ah a zaam mi hna cu bawmhnak zong an pek hna lai tiah theih a si, Cun Thailand rammi nih Myanmar ram lei ah luhlo ding ah Thailand cozah nih nawl a chuah.
KNLA nih an tlaih mi SAC ralkap 300 hrawng chanh khawhthan nak ding ah SAC nih vanlawng in an kah hna tiah The Nation newspaper nih a langhter.
Rassia putin zarnak thawng dang, Russia President Vladimir Putin nih cun Russia sin i Gas a cawtu hna ca ah phunglam thar a ser i, nizan tihni ah khan President Putin nih cun fehternak a tuah cang. Cu phung thar ah cun Russia hawikom ṭha silo ram hna nih.
Russia sin i gas an cawk tikah dollars siloin Russia phaisa Rubles in gas man an pek a hau cang lai. Rubles in an pek lo ahcun an caw kho ti lai lo, tiah nawl a chuah.
President Putin nih cun, Nihin in phung thar kan ser cang i, Russia gas cawk a duh mi nih cun Ruble account an ngeih a hau cang lai. Hi phung thar hi April 1 in kan hman lai,” tiah a chim.
Hi kong he pehtlai in Gas cawtu hna nih harnak an ton ahcun kanmah thiam lo a si ti lai lo. Ramdang nih man ngei lo in zeihmanh an kan tuahpiak lo bantuk in kannih zong nih man ngei loin zeihmanh kan tuah ti lai lo, tiah a chim chap.
Russia le Ukraine buainak ruangah vawileicung ramdang hna nih cun Russia phihkharnak ah phaisa cawlcanghnak hi an hman cem mi hmanrua a si i, dollars phihkhar an si caah company tampi nih.
Russia ah an rian an pehzul kho lo, tiah Putin nih cun a chim. Cucaah US le Europe ah Russia thilri pawl cu cawlcang kho lo in an um i, chawlehnak ah harnak tampi a um. Russia nih Nitlak lei ram pawl lehrulhnak ah phihkharnak a tuah chin ve i.
Russia gas cawtu hna nih Russia phaisa lawng an hman khawhnak ding lam a ser ve.Russia nih gas cawknak kongkau ah phungthar a ser caah European Union ram hna nih cun duhlonak an langhter.