SAC Ralhrang um tu ninh hi cu aw, zeithei lo, hngakchia hna cu, SAC ralhrang hna nih hnakchia, 142 tluk cu an.

Magwe ramṭhen, Poah peng ah kum 4 ngakchia pakhat cu March 6 ah khan SAC ralkap nih fei in an sawh caah a nunnak a rak liam. Cu a nunnak a liam mi kum 4 ngakchia telh in kum 18 tang ngakchia 132 cu SAC ralkap kut in an nunnak a liam cang, tiah NUG nih cathanh an chuah.

NUG cozah tang Ministry of Women, Youth and Children Affairs nih cazin an langhter ning ah 2022, April 1 tiang ah khan tlaih a tong mi ngakchia dihlak  216 an si i, cu chungah cun minung 2 cu thih-dan an pek hna.

Nu pakhat le kum 4 tluk a si mi ngakchia pate pakhat cu SAC ralkap nih an tlaih hna i, ralphaw ah an hmanh hna. Cun, February 21 ah ngakchia 20 cu SAC ralkap nih an tlaih hna i, a tlerhkhonh hna, tiah NUG nih cathanh an chuah mi ah an langhter.

Myanmar ramchung um  ngakchia dihlak humhimnak le an nun himnak ding caah SAC ralkap sualphawtnak tuah ding in le hmalaknak tuah ding in NUG cozah nih ram kip NGOs le Cozah sin ah nawlnak a tuah.

RELCHAP Karen ramkulh, Myawaddy pengkomh, Mawlarmyan pengṭhen, Kuichephawh khua ah April 8 chun ah SAC ralkap nih Lo kalmi mimung 2 an thah hna, tiah tualchung mi hna nih an chim.

SAC ralkap nih an thah mi hna 2 hi Mawpo Kalu khua mi an si i, Kuichephawh khua ah leithuannak seh he an kal pah ah SAC ralkap pawl he an i tong i, SAC ralkap hna nih cun an kah thah hna, tiah khua mi pakhat nih a chim.

SAC ralkap nih an thah mi, tualchung mi 2 hna hi kum 40 in kum 50 kar hrawng an si i an ruak cu SAC ralkap nih khua mi an pek hna caah nihin April 8 ah an vui colh hna.

Karen ramkulh, Myawaddy pengkomh chung ah hin KNLA, KNDO le SAC ralkap kar Kahdohnak a chuak lengmang i SAC ralkap thi an tam deuh peng, tiah DVB nih a tarlangh.

Saw khuapi Palik Sakhan Bomb Puah A Si: Magwe ramṭhen um Saw,Palik sakhan le Information office cu April 8 zinglei ah Yaw hriamtlai phu nih bomb kan puah hna, tiah Yaw hriamtlaitu nih an thanh.

Minung thazaang le hriamnam kan i thlau tuk ruangah lamhlat kahnak lawng in kan kah hna, tiah ṭuanvongeitu pakhat nih a chim.Crd: the chin post.