SAC Ralkap Mawṭaw Mong Tu Pa Cu, A Kal Pah Ah A Ngilh Ca Ah Ti Chungah A Tla AThi Mi An Um,

April 21 Yangon ranṭhen, Khayan peng Kamakalu khuate, April 21 zing sml 5:00am hrawngah SAC ralkap mawṭaw pakhat tiva ah a tla i a thimi an tam kho men tiah Khayan Channel nih Yangon Khit Thit ah thawng a pek.

April 21 zinglei sml 5:00am hrawng ah Kamakalu lam ah zohfelnak an ngeih dih hnu in a rak kirmi SAC ralkap mawṭaw cu Kamakalu lunghlei a phak bak ah tiva ah a tla, SAC ralkap an i khawng, a thimi an tam kho men. A tu hi Khayan siizung ah mizaw le ruak pawl a phan tiah Khit Thit nih a langhter.

Kamakalu khuate lamcung ah zohfelnak an ngeih dih hnu in an rak kir lei lunghlei cung in tuzing ah SAC ralkap mawṭaw pakhat a tla, a thimi an um, tiva ah a tlami SAC ralkap pawl cu an i sual len tiah a hmumi nih Khit Thit ah a chim.

“SAC ralkap 3 an zapathel in siizung ah an luhpi hna, hma a pumi zong hmuh an si, an thih le thih lo cu theih a si lo” tiah Khayan siizung rianṭuanmi nih Khit Thit ah a chim.

Relchap, Yangon ramṭthen, Kamayut peng, Bayinnaung, lam tonnak Kamayut Palik sakhan ah nihin April 21 zing sml 5:00 hrawng ah bomb voi 4 sml 6:00 le 7:00 kar ah voi 2 a puak tiah kan theih.Palik pawl nih meithal puah thlorh in an puah caah sualnak ngei lo minung pakhat an khen i a nunnak liam, tiah kan theih.

Tuzing sml 5:00 hrawngah bomb voi khat a puak, minutes 4 a rauh ah voi 3 puak ṭhan,A thawng zong thang tuk, Cu le cangka in Palik pawl nih duh paoh in Meithal an kah tik ahcunTraffic point,kam ummi nuva hna lakah a vapa cu a lu ah tleng lakin an khen i a thi. A nupi cu a thi le hnai he a zaam, tiah sang chung ummi pakhat nih a chim.

Cu nuva hna cu Pyiyeihmon, kam ah anhringso a zuar mi an si i, a thimi a vapa ruak cu sml6:00 hrawngah mizaw phorhnak mawṭaw in a rak lak i, April 21 zing sml 7:30 hrawng ah Kamayut Palik sakhan pawng ah bomb voi 2 a puak ṭhan tiah kan theih.Bomb puah ruangah SAC kuttang Palik pawl an thih le thih lo kan hlat cuahmah, tiah Khit Thit Media nih a langhter.Crd:The Chin Post.

Thawng dang,April 20 chun suimilam 10:28am hrawngah Matupi le Mindat karlak ah CDF-Matupi le ralhrang karlak kahdohnak a chuak.Matupi hrambunh LIB 304 ralkap bu in ralhrang hna cu CDF-Matupi nih an rak kah hna caah rakhrang ralbawi telh in 8 an thi i minung 5 nak tlawmlo hliam an tuar tiah an CDF lei nih an langhter.

Ralhrang nih thazaang an chap chin lengmang caah kahdohnak fak a chuah khawh caah thlacamnak he kan bawm rih hram u tiah CDF-Matupi nih nawlnak an tuah chap.

Lampi Ah Bomb Thianhhlimhnak Tuahtu SAC Ralkap Bomb Puahhnawh An Tong, 16 An Thi. Monywa in a chuakmi SAC ralkap Jumper motor pakhat, SAC ralkap citmi motor pakhat le raltuknak tank pakhat cu Monywa-Mandalay lampi ChawngOo peng ah bomb lung 12 in puahhnawh an tong.

Thawng kan theih caah, zingkhua in kan bawh hna, cu ka lam ah cun suimilam 24 chung kan bawh hna, a voikhatnak ah motor 3 in an ra, ke in a rami zong an um. Hmunhnih ah bomb kan tarh, bomb kan hmanhnak hmun an phanh ah pakhat cu an hmuh caah bomb hri cu thianhhlimhnak tuah an i tim, cu liobah cun bomb kan puahhnawh hna.

SAC ralkap nihcun raltuknak tank in an kan kah. Bomb puahhnawh nak in SAC ralkap 16 an thi, Jumper motor a rawk tiah “Bu Tait Ga nih cun a chim. SAC ralkap bomb puahhnawh tu hna hi 11 Brothers Revolution Forces(Myaung), Myaung peng TGR, BNTF le Burmese Guerrilla Force-B.G.F(Myingyan) phufonh hna an si tiah theih a si.

Gangaw Ah Palik Motor YDF Nih An Kah, Palik Bawi Tel In 4 An Thi, 6 Hliamh An Tuar. Magway ramtthen, Gangaw khuachung Sipin sangchung ah ral veng in ai chok mi palik motor cu Yaw Defense Force (YDF) nih April 19, zaan suimilam 10 hrawngah an kah i palik bawi pakhat telh in 4 an thi, minung 6 fak ngai in hliamhma an tuar, palik motor khaltu cu a zaam tiah YDF sin in theih a si.

Si-pin sang khuabawi zung ah a si, motor he ral ven ah ai chokmi SAC kuttang um palik hna cu kahdoh an tong, palik bawi pakhat tel in 4 an thi, minung 6 hliamhma an tuar. Palik bawi cu sizung in a ruak an chuahpi kan hmuh, SAC kuttang um palik minung 4 an thi tiah fehter a si” tiin YDF in chimphuannak nawlngeitu nih Yangon Khit Thit Media ah a chim.

YDF nih motor he ralven ah ai chok mu SAC ralkap kuttang um palik hna cu an hnu lei in kan kahdoh hna, motor khaltu cu hliamh a si lo caah a motor he a zaam, cu ruangah hriamthil kan la kholo tiah YDF in chimphuannak nawlngeitu nih a chim chap.

Yaw hmunhma ah YDF telh in Yaw tualchung hriamtlai phu, PDF hna le SAC ralkap kar ah nitin ti awk in kahdohnak a chuak i SAC ralkap nih thazaang tampi hmang in Gangaw peng le Gangaw khua pawnghrawng ah rallam an sial tiah theih a si.

Pale Peng Voihnih Kahdohnak Ah SAC Ralkap Lei 7 An Thi. Sagaing ramtthen,Pale pengchung ah SAC ralkap nih rallam an sial caah voihnih tiang kahdohnak a chuak i SAC ralkap 7 hrawng an thi tiah Myanmar Royal Dragon Armyb (MRDA) nih nihin April 20 ah an thanh.

Kahdohnak hna cu nizaan April 19, zinglei suimilam 6:30 hrawngah a cang i, Pale peng Gangyi khua le Gyuchain, khuakar ah SAC ralkap rallam sial mi le MRDA kar kahdohnak a chuak, cu kahdohnak ah cun SAC ralkap 5 an thi.

Rallam sialmi SAC ralkap le Pale peng Gyuchain  khua nitlaklei Chinpyit, khua in nichuah chaklei ah chunhnu suimilam 1:00 in zaanlei suimilam 4:30 hrawngtiang kahdohnak a chuak than i SAC ralkap 2 an thi tiah theih a si.

Kaphnihkar voihnih kahdohnak chungah MRDA ralkap pakhat hliamhma a tuar tiah an cathanh ah an langhter chih. April 18 in Pale pengchung ah SAC ralkap minung thazaang 100 leng nih rallam an sial tiah MRDA hruaitu Bo NaGa nih People’s Spring ah a chim.

Pauk Pengkomh Paṭi Khua Cu SAC Ralkap le Pyusawtee Nih An Khangh Caah Inn 60 Leng A Ciam. Magway ramṭhen Pauk pengkomh, Paṭi, khua cu April 19 zanlei sml 5:44 minute hrawngah SAC ralkap le Pyusawtee nih, an khangh caah inn 60 leng a kaang, tiah tualchung mi pakhat nih a chim.

Nizan April 19 ah Chaungsung, khua kam Pauk pengkomh, Paṭi khua cu uico ralhrang le Pyusawtee pawl nih an khangh. Khuami pawl nih phalh ding kan timh lioah uico ralhrang pawl an rat ṭhan caah kan zaam dih. Paṭi khua hi inn 100 hrawng a si i cu chungah inn 60 leng an kaang.

Inn 40 hrawng lawng a taang. Khua laifang lamkam in an khangh i, thlanglei sang ah cycle in an va kal i an khangh chap, tiah tualchung mi pakhat nih a chim. Paṭi khua a khaangtu SAC ralkap le Pyusawtee pawl hi, Didauhkwin, khua ah hrambunh in a ummi an si i, Paṭi khua khangh ding in cycle 20 leng in an ra tiah kan theih.

Kalay Khuapi Ah SAC Ralkap Nih Minung Pathum An Tlaih Hna. April 18 ni thok in Kalay khua chungah nifatin ti awk in mi an tlaih hna. April 18 ni Myoma bazar ah Uhkar timi pa an tlaih i, April 19 zanlei sml 4:00 hrawngah Aungminkalar sang um Zaw Hte zong an tlaih.

Cu ṭhiam ṭhiam in April 19 zan sml 7:00 hrawngah Ngaungpin sang um, Ngiong Du Ṭin cu SAC ralkap nih a inn ah hriamthil he an tlaih, tiah kan theih. An tlaihmi hna pathum hi PDF he pehtlaihnak nan ngei, mithah lai nawnnak ah nan i tel tiah sual an phawt hna.

Cu lengah Be in sang zongah SAC ralkap nih, tlaih an duhmi hna an hmuh hna lo ahcun an chungkhar pawl kha an tlaih hna i, an chungkhar luatnak ding ca ah anmah tein an i ap ṭhan nain nihin tiang an thlah ti hna lo tiah thawng kan theih.Cred: The Chin Post