SAC Ralkap Nih Sualnak Nei Lo Mipi Pakhat Cu A Khualtlawn Nak Lam Ah An Thah Nak Kong.

Kalay peng, thlanglei Sitha khua kam ah Kalaymyo in Falam lei ah a kal mi, thilphor mawṭaw cu Aril 7 ah SAC ralkap nih an dirter i mawṭaw khaltu pa cu an kah thah. A ruak cu lamkam ah mei in an khangh, Mithmutu pakhat nih, Mawṭaw cu.

SAC ralkap nih an dirter i a khaltu pa cu an chuahter, Vawlei a lamh manh hlan bak ah thi lak in an kah colh ko. A ruak cu mei in an khangh i, mawṭaw zultupa le mawṭaw cu atu tiang khoika dah an chiah hna ti zong kan hngal lo, tiah a chim. Mawṭaw khaltu pa hi Falam peng Congheng khua mi a si.

Relchap, Minung kan nun chungah cun ngandamnak hi a biapi bikmi ah kan chiah hau i kan pum cu kan mah ten kan i zohkhen thiam i kan i kilven thiam haumi zong si. Kan rak theih lo ruangah rawl ei khawh bak zongah kan tuah lo ding bak a si mi zong kan rak tuah.

Ho paoh nih it hi cu a nuam kan ti bikmi si i a sinan rawl ei khawh bak i it hi cu minung kan pum caah cun a rak tha lo taktak.A ruang cu kan thisen kalning a hman ter lo i kan taksa riantuan ning zong a hman ter kho lo i kan takpum tu a hrawk.

Cucaah rawl ei khawh bakin it colh loin thil dang tuah hau mi tete kan tuah piak ah a tha. Cun rawl ei khawh bak i thingthei pawl ei hi rawl kan eimi a riantuan ning a that ter kho ve lo. Thingthei pawl cu na ei duh cun rawl ei hlanah na ei hna lai.

Cun kuak zumi na siah cun a bikin laimi caah cun rawl ei khawhka i kuak zuk hi a thaw khun ko nain rawl ei khawhka bak i kuak na zukah cun na ei hlan i kuak voi 10 na zukmi he ai lo. Rawl ei khawhka bak i kuat na zuk ah cun cuap cancer le lungcancer pawpi cancer zawtnak ngeih a fawi taktak. Cuca ah cun kuatzu mi na siah cun rak i ralring hrimhrim te.

Cun rawl ei khawh bakin lansiaoh khi a tha lo taktak.Rawl na ei khawh bak cun minutes 30 chungcu daiten na um lai na pawpi kha thaten rian na tuan ter hna hrim lai. Rawl ei khawh bakin lansiaoh na hman a siah cun na pawpi nih khan duh ningin rian a rak tuan kho ti lo i na pum caah thil tha lo tak a rak si.

Rawl ei khawh cu a tha tukmi a si ko nain pawpi ruat lo tiang tiangin rawl ei cu a tha hlei lo takmi si.lakphak le coffee din hi a tha tuk.Sinan tam tuki din cu a tha ve lo. Cun rawl ei khawh bak i tak kholh zong hi a tha bak lo. Na pawpi caah tih rak nung tuk ve.

Rawl ei khawhin kholh na duh tuk si zongah minutes 30 hnu lawngah nai kholh lai. Cun GYM tuah hi taksa caah a tha taktak. A sinan rawl ei khawh bak i GYM tuah thilrit cawi cu na pum caah cun a rak tha lo lawlaw ve. Rawl ei khawh bak cun na pawpi caah minutes 30 cu i dinta hrimhrim law thadam ten na pawpi kha chia ta.

Rawl ei khawh bakah tikik tukmi din zong tih nung taktak. A ruang cu tikik tukmi rawlei khawh in na dinah cun na eimi pawl kha pakhat hmanh na pawpi nih a rak rial kho lo.Cun rawl ei khawh bakah ha teih zong a tha lo hrimhrim.

A tha bikmi cu rawl ei khawh bak cun minutes 30 chung cu zeihmanh tuah lo i dinh ziar kha a tha bikmi si ko minung kan takpum caah cun. Cucu si khawh chungin rak tuah ve law rak i zuam ve.