SAC Ralkap Pakhat Kong Lam Cu, Mipi Caah A Chim Mi A Tha Taktak A Ngaih Zong Nuam A Nun Tha.

Matupi-Mindat gate hngaktu Captain Yin Ko Oo cu Brigader, nih Matupi- Mindat gate a rami paoh cu na kah hna lai, tiah nawl a pek ko nain sualnak ngei lo mizapi va kah ding cu, a duh lo caah Brigader nih biahalnak le chekhlatnak a tuah dih in thonginn ah a khumh tiah kan theih.

A ra mi paoh cu Brigader nih, kahnak nawl a pek ko nain Captain Yin Ko Oo nih cun zawnruahnak he him tein a kal ter ko hna, tiah ralkap pakhat nih a chim. Brigader nih biahalnak a tuah lioah Captain Yin Ko Oo nih cun, zei sualnak ngeilo mizapi cu ka kap kho hna lo, keimah nih hei in kap ve ning law na duh ve lai maw, tiah Brigader cu a hal lila áš­han.Captain Yin Ko Oo thonginn i an khumh ni hi fiang in an hngal lo nain a luancia ni 2, ni 3 lioah khan a si lai tiah kan theih.

THAWNG DANG,Mani April 24 ah Myanmar ram buainak kong he pehtlai in ram 10 umnak ASEAN pawlkomh meeting cu Indonesia Jakarta khuapi ah neih a si i Meeting ah cun i rem nak point 5 in felten an nei kho.

Remnak 5 an tuahmi pawl cu tha kohrum thawhnak um lo dingin le si khawh chung i i zuamti nak dingah, mipi duhning bantuk in, deihnak um ding ah ceihpi ding ah ASEAN Chairman palai nih remnak tuahpi dingah, ASEAN nih mipi duhdawtnak he theitawk i buaipi thluahmah dingah le ASEAN mithiam le mifim pawl cu Myanmar ah kal in ton herh mi pawl tongin chawnhbiak dih ding timi pawl a si.

ASEAN meeting an dih hnuah Dr.Sasa nih ASEAN meeting ah hruaitu pawl nih Myanmar ralkap pawl thahrum thawhnak dih dingin le tleihmi pawl thlah zalen dingin remnak an tuah khawh mi cu, thazang a um tuk i lunglawm taktak in kan don.

Mah cucu mipi cozah NUG zong nih kan hal zungzal mi a si. Meeting i an ceih bantuk in tuahpiak ding ah kan hngak i ruahchan nak tampi kan nei Indonesia president Widodo nih kan miraltha tleihmi pawl thlah zalen dingah a hal mi zong lunglomh awk ngaingai a si. ASEAN i bia an chah mi zulh ding ah le mipi duhmi Democracy lam diktak dirhcuak dingin a takih tuahnak le hremnak kan beisei bak, tiah a ti.

Relchap, Chinmi lakin UN palai kan nei kho tiah Chin mipi tampi lunglawm in kan um i can a liam thluahmah cu Dr.Sasa cung ah vuihramnak le diriamh lonak awka tete theihding a hong um ngai. Cu cu Dr.Sasa i a tuanvo hi zeidah a si? Myanmar ram hrang ah hin zeidah a tuah khawh timi kan fian lo ruangah a si. Cu bantuk kan fian lo tikah a tuah khawh lo dingmi tiang a cung ah beiseinak le ruahchannak lian tuk kan nei.

Cubantuk nih cun Dr. Sasa cungah vuihramnak, mawhchiatnak lung diriamh lo nak tiang mipi tampi lung thin chung ah a um. Cu caah Dr. Sasa ttuanvo hi zeidah a si? Myanmar ram caah zeidah a tuah khawh timi cu Chin mipi pinah Myanmar mipi kan dihlak in fiangten theih kan herh mi thil a si. Hi kong hi kan fian lo cun a tuah khawh lo dingmi thil tiangin mipi nih a cungah tuahchanh nak kan ngei i curuahchanhnak kan ngeihmi cu tlam a hung tlin khah lo tikah thil tha lo vuivainak phunphun a hung chuak tawn.

CRPH nih UN lamkaltu dingah Dr. Sasa an thim hnu ah Dr. Sasa ttuanvo cu UN pinah ramdang sinah Myanmar kongkau chimh, zualko la hremnak pe dingin hal tu a si. Ramdang le UNnih Myanmar hremnak an pe maw timi cungah Dr. Sasa ttuanvo a ngei ti lo i Myanmar ram hremnak pe hrimhrim dingin nawl a ngei lo. A ttuanvo taktak cu Myanmar ram chung thiltlung mi chimnak report tuah le zangfah nawl lawng a si.

Myanmar ram caah a rian taktak cu a ttuan i ramdang hruaitu mi tampi a chawnbia, zual a ko, Myanmar kongkau a thanh dih i media pical ngaingai mi pawl nih Myanmar kongkau cu vawleicung mipi theih dingin an tarlangh ve. Hi a rianttuan mi pianah beiseinak, tuahchanhnak sangpi kan ngeih ah cun Dr. Sasa cung ah lawmh lo nak le vuivai nak tampi a um ko lai.

A rian a cu tling tein a ttuan ko, UN lei nih Dr. Sasa zualko nak vialte cu a theih dih i Myanmar cungah zei tindah khua an khan lai? A tu tiang ah tan an lak nak a um le um lo cu an mah UN lei nawl a siko. Na ruahchanh lo ding tiang in na ruah lengmang ah cun lawmh nak na hmu kho lai lo i, vuivai nak le mawhchiat nak lawng a chuah ter lai.

ASEAN pawlkomh pawl aiawh in hruaitu palai 2 le anmah a zultu cheukhat cu june 3 zan ah Myanmar ram an phan cang i, June 4 chun ah Myanmar ralbawi Min Aung Hlaing le a kuttang pawl minung he Naypidaw khuapi ah i hawi komh nak an nei. Cu an i ton nak i Min Aung Hlaing le ASEAN palai pawl i an biachah mi pawl cu a tanglei bantuk in a si.

An bia ceih mi cu ASEAN meeting i remnak kan neihmi 5 pawl cu rianrang taktak in puitling tein kan tuah colh a hau cang tiah palai pawl cu hram an thok i ASEAN aiawh in mithiam pawl Myanmar an luh tikah an tuah duhmi pawl cu Min Aung Hlaing sinah chim phuan nak an nei.

Cu pin ah Covid 19 khamnak hrang ah ASEAN nih Myanmar ram a bomh ding ning cang zong a chim chih. Palai 2 nih cun CRPH le NUG kongkau cu Min Aung Hlaing sin ah biahal nak an nei i zeitik ah dah ithim nak hi tuah nan timh? vote dik lo mi cu zeitik ah dah timi pawl zong an hal chih.

Cu ah cun Myanmar ralbawi Min Aung Hlaing nih cun a hlan i a rak chim cia bantuk in CRPH le NUG cu phunglam kalh pawlkomh an si nak kong ithim nak cu a rianran nak in tuah an duh ko nain, mipi an dirhmun hi zohta a hau lai timi kongkau ah chim fian nak a nei i vote dik lo kong cu ASEAN hruaitu pawl pin ah vawlei cung mi vialte hmuh ding in kan pho langh dih lai tiah a chim.

Tutan ah ASEAN aiawh in Myanmar ram i a kal mi. tu i dirhmun thleihtlak mi ASEAN Chairman Brunei ramdang vuanci changtu Wry Pewhin Yusof le ASEAN sungtuan Lim Jock Hoi te i pahnih i thit hruai mi pawl an si. Ram buai hnuah vawikhat an ratnak a si bangin.

Myanmar dirhmun an cuanh hmasa in a lang. A hnu ah ASEAN mithiam pawl an thlah colh hna nak ding kong cu a chim. Cu lio ah cun NUG cozah nih ASEAN pawlkomh cu anmah NUG hmanh chawn duh lo , ngaihsak lo an si ruangah an cawlcangh ning hi kan zum bak hna loh tiah nawl an chuah ve.

Kan hnung thla iASEAN meeting ahcun Myanmar kongkau ah remnak 5 an rak tuah i mipi sandah piah nak thahrum le ralthuam hmangin thekdarh lo ding, ASEAN mithiam Myanmar ah thlah ding, ASEAN le Myanmar palai ah ruat ding, Mithiam pawl nih an duhmi pawlkomh an chawnh khawh lai mipi duh ning in remnak kawl ding ti bantuk a si.