SAC Ralkap Sakhan Cu Hriamtlai Phu Pakhat Nih An Lak Hnu Ah Tam Lak An Thah Hna

SAC Ralkap Sakhan Pakhat A Thlithup In Kah A Si I Ralkap 3 An Thi: Moebe khuapi chuahnak hmunkhat ah umhmun a khuar mi SAC ralkap sakhan pakhat cu May 9 zinglei ah a thlithup in kah a si i, ralkap 3 an thi tiah KNDF B-03 nih thawng an thanh. Mizapi bawmhnak in cawk mi sniper in kahdohnak(operation) kan tuahnak ah ralkap 3 an thi, tiah KNDF B-03 nih fehternak he an langhter. Kahdohnak hi minuntes 20 tluk a rau i, KNDF ralkap lei cu hliam tuar um lo in an kir ṭhan, tiah theih a si.

RELCHAP,Kawl uico ralhraang nih minung umnak inn 47 an khanghpiak hna pin ah pitar kum 78 tluk upa cangmi cu a nun buin an khangh hna tiah thawng theih a si. Khuami tam deuh hi ramtang ah an zaam manh tiah theih a si.

Hi thil a can hi May 6, 2022 ah khan a si i Kawl uico ralhraang nih cun Butalin Township (Kan Thit Vilage) khua minung khuasaknak inn 47 bak cu an khanghpiak dih hna tiah tualchung media nih a langhter. Hi ah hin lung a faak khunmi cu pitar pakhat, duhning hmanh in a cawlcang kho ti lomi, kum 78 tluk bak upa cangmi cu inn chung a um cuahmah lio ah a nun buin an khangh chih.

Tubantuk in uico ralhraang nih khua an luhhnawh i inn le lo siseh minung tiang an khangh hi zinglei suimilam 3:45 AM hrawngah a si ve, an khangh tan ah hin khua mi tam deuh hi cu an zaam manh tiah theih a si i, amahbelte tarnu pakhat bel cu amah inn chung lila ah ralhraang nih cun an khangh chih tiah theih a si. Kawl ralhraang mituahto hi cu a faak hringhran tawn ko. Pathian tu nih kan umpi sehlaw a rauh hlan ah teinak hmu hram cang usih.

THAWNG DANG, Magwe division, Lawngshi ram palik sakhaan ah (Gangaw ram in chikhat duty a rak ciah tami) ralkap Aung Kyaw Lin cu hramhram in uknak laatu SAC ralhraang hna i an dik lo nak kha doh chih in a hriamnam tling te he CDF-KKG ah aa fonh.

Mah ralkap Aung Kyaw Lin nih MM2 rifle pakhat, kuan bawm a hlei in pakhat le kuanfang sawkua khathe a rak rat caah a tinco awk a simi laksawng kan pek i a himnak hmun ah kan chiah. A tu ah hin CDF-KKG ah CDM a tuahmi ralkap le palik an dihlak ah minung pariat an si cang i hriamnam le meithal tling tein CDM a rak tuahmi lawng a himnak hmun ah kan chiah hna lai i an tinco awk a simi laksawng zong kan pek hna lai i hriamnam le kuan aa tel lomi kanmah nih ttuanvo kan laakpiak hna lai loh tiah theihternak kan rak tuah tiah Zalen nih a langhter.

SAC Ralkap Nih Ann Peng Mizapi Inn 200 An Hrawh Piak Hna: Rakhine ramkulh Ann khuapi chung hmun 4 ah mipi inn 200 fai cu SAC nih kanmah hmun hmun a si caah May 15 hlan ah hrawh dih a si lai tiin Ann peng Department of Medical service nih thawng an thanh. A tu ah inn 100 cu hrawh piak an si cang tiah theih a si. Nihin (May 7) ah vanlawng ground sang i mipi inn 70 leng hrawh piak kan si cang tiah inn hrawhpiak a tong mi U Maung Gyi nih lungnuam lo ngai in a chim.

Hika hmun ah kan umnak hi kum 20 a si cang. Ri en in kan ummi le kan ummi zong a si lo.Hi ka hmun hi palek nih an rak zuar mi a si i kyats sing 1 in kan rak cawk. A tu ah squatter’s house a si tiin a kan hrawh piak, hi kong ah kan lung i sak awk a tha lo, tiah a chim. A luancia April thla dongh zarh ah khan Ann khuapi chung ah ummi Natsinkone, khah-mah-yiah 371 pawng sianginn pakhat, dawr khaan pawl le mipi inn tel in inn 50 SAC ralkap le palek nih an hrawh piak hna.

Inn hrawh piak a tong mi hna cu an chungkhat inn ah an um chung hna i an sungh mi kong ah cozah nih liamh ding zong an i ruah chan. A luancia March 10 zong ah khan Sittawi khuapi thlanhmun le tlanglawng lam kam ah ummi squatter’s house 300 leng cu SAC nih thazaang hmang in an hrawh piak hna.