SAC-UICO- Rual hna nih cun Mandalay ramṭhen, Patheingyi khuachung sang khat ah chekhlet nak an tuah hna tiah, khuachng um mi, min langter duh lo mi pakhat nih cun a chim.

Mandalay ramṭhen, Patheingyi khuachung sang cheukhat le a pawng hrawng khua hna ah SAC ralkap nih lam kham in, innkhat hnu innkhat lut in chekhlatnak an tuah, tiah tualchung mi pakhat min lang ter duh lo mi nih a chim.SAC ralkap hna cu minung thazaang tampi he nihin March 22 zinglei suimilam 9:00 in uico pawl SAC Ralkap hna nih  hrawng in Tekung  khua le sang cheukhat ah chekhlatnak an tuah, tiah khua chung um mi hna min langter duh lo mi  nih an chim.

SAC ralkap hna nih lam phih in chekhlatnak an tuah i, innkhat hnu innkhat an lut. Atu tiang(Chun suimilam 12:50) ah an ngol rih lo. Chungkhar cazin cheknak an zong an ngei. SAC ralkap hna hi minung thazaang 500 hrawng an si, minung tlaihkhih cu an ngei rih lo,tiah Patheingyi  Myomah sang um mi pakhat nih a chim.

SAC UiCo ralchia hna nih Lam phihkhar in chekhlatnak cu Patheingyi peng, NLD zung umnak Myomah, Yan Kin Taya Sitaya sang le Tekung),Wakattan Gyikung ah an tuah. Chungkhar cazin le minung um zat aa khat le khat lo cheknak an tuah, cu cheknak a tuahtu hna cu palik motor le SAC ralkap motor lengah thongthla motor 10 leng in an ra.

A luancia February thlachung zong ah Maha Awngmay peng Tanhlaitmaw nitlak lei sang Awngmay Tasan peng, Amahrah Htani nichuahlei le nitlaklei, Ngawngguai sang hna ah SAC ralkap nih an rak luhhnawh hna i, chekhlatnak tuah in minung 30 leng an rak tlaih hna.

Yinmapin Peng Ah Ralzaaam Pa 30 Tlaih An Tong: Sagaing ramṭhen, Yinmapin peng ah ralzaam pa 30 cu March 21 ah SAC ralkap nih an tlaih hna, tiah theih a si. Zaanlei Sml 3 tluk ah Yinmapin peng Yawtaung yaw le Lay yaw ah SAC ralkap 100 hrawng an phan. Khua mi hna cu an zaam pah ah SAC ralkap nih an tlaih  hna i, pa 30 tlaih an si, nu tu cu an tlai hna lo. Kahdohnak cu a chuak lo, tiah Yinmapin mizapi vengtu ralkap hruaitu pakhat nih a chim. Sagaing ramṭhen ah hin a luancia March 4 thok khan SAC ralkap nih internet line an phih, tiah theih a si.