SACRalhrang In Achuak Mi Hna Caah Thawngpang Tha Tuk Si

Ralhrang achuak tak tu ralkap vialte hna cu Australia cozah nih an ram ah luhnak visa an pek hna lai tiah Melburne hrambunh The Age thawng zamh tu nih cun alanghter. January ah khan Australia cozah nih ramchung ah an lut ter mihna ralkap hlun pa 2 hna cu The Sydney Morning le The Age thawng zamh hna nih bia hal nak an rak tuah hna.

Cu lio ah pakhat nih achim mi cu Thai le Myanmar ramri kan tan hlan ah dothlen nak atuah tu phu si ah kan um. Hi kan um chungah hin hrocer nak phunphun kan tong, cun atu bantuk in ralkap in kan chuah nak hi ralkap nih uknak an lak mi kan duh lo ruangah ralkap in kan chuah nak hi asi tiah arak ti. aruang cu mipi thah le non kan duh lo, cun mipi he ralkalh in um zong kan duh lo ti zongin achim chih.

Atu I SAC ralkap pawl hi an thiltuah mi le an nun ning hi tih an nung tuk, hi chungah cun um kan duh lo, uknak an lak hlanah khan cun kan rampi cu dai tein aum ko lai tiah kan rak ruah ko. Asi nain uknak an lakhnu cun rampi kilven si lo in ram mi thah, mipi he doh kalh in um hi asi. Hi bantuk asi ruang ah hin mipi sinah aador mi ralkap le palek hna hi an tam ngai cang i,

CDM ralkap tam deuh hi dothlen nak ruanah hriam atlai mi hna sinah an i fon i ralhrang hna cu an doh ve thanhna cun acheu cu ahim nak hmun ah an um i dothlen nak i colhcangh ah an si khawh chung in an bawmh ve hna. Cun acheu cu ram 3 nak lei ah an lan hna tiah CDM atuah mi Col., Lin Htet Aung nih biahal mi aleh hna nak achim. Ram 3nak ah aphan mi CDM ralkap atam u cu an phak nak ram in dothlen nak caah an bawmh ve thiam hna.