Sagaing ramthen, Myaungmyo peng ah SAC nih rian khih mi khua bawi a lu an tan, dalan pa 1 an thah

Sagaing peng ah SAC nih rian khih mi khua bawi a lu an tan, dalan pa 1 an thah
================

Sagaing ramthen, Myaungmyo(မြောင်မြို့) peng, Tuhteekung(သူဌေးကုန်:) khua ah ralhrangbu nih rian a khinh mi khua bawi. Aung Sein Myint cu August ni 16, zaanlei Slm. 7:20 hrawng ah a lu tan in tthah a tong. Mah thahnak cu (Thinlung dawh – Mithalo) timi bu nih an tuah mi a si. Khua bawi pa he a um mi Busawthi(ပျူစောထီး) chungtel pa 1 zong hliamhma a pu ve tiah theih a si.

Cu hlei ah, Sagaing ramthen, Tantse(တန့်ဆည်) khua, Myittaa Myaine(မေတ္တာမြိုင်) veng ah Dalan tiah an ti mi Siidawr ngeitu Ko. Aung Nay Myo cu August ni 16, Zinglei Slm. 9:00 ah sii a cawtu pa 3 nih meithal in an kah i a thi. An kah mi pa Ko Aung Nay Myo cu Tangse peng USDP M.P(Member of Parliament candidate) chungtel a si tiah theih a si.

Sagaing ramthen, Thigyiak(ထီးချိုင့်) peng Myanmar CNICO Takaung(တကောင်:) Nekel cawhnak Sehzung ah rian tuantu pa 2 cu August ni 16, Zaanlei Slm.6:00 hrawng ah meithal in kah an si i an nunnak a liam tiah theih a si.

Cu bantuk thiamthiam in Sagaing ramthen, Yingmapin(ယင်းမာပင်) district, Pale peng, Monywa-Gangaw motaw lam meng 52 pong ah Byinphinkyeak le Cawksalin tlang kar ah August ni 15, Chunhnu hrawng ah lutan mi pa a ruak cu hmuh a si i a thi mi cu Meng 55 khua in Ko Aung Myo thet a si tiah theih a si.
Crd. Khit Thit Media

Be the first to comment

Leave a Reply

Your email address will not be published.