Salai. Robert nih “Raldohnak in Raldohnak Training Center ttha tein ngeih hmasa a herh” Kan Chinram ah Ralbawi Training Center kan ser lai”

Kan tei tiangin kan ttuan kan doh lai
==================

Tulio Vaurawng page nih live in CNA/F hna bia an ruah tik hna ah hin CNF/A lei nih bia an chim dih poah I an hmurkachuak cu “Bawipa nih thluachuah inpe ko hna seh”an ti pengmi hi miakpi meithalnak in ahmulpin deuhmi a si tikha ka lungah a chuak.

USA lei caan in 30/8/2021 live biaruahnak an tuahmi chungah CAN in Robert Siang Lian Thang chimmi ah khan”Pathian kan leiah a ttang lai silo in Pathian kan leiah a ttang” tiah atimi kha si. ‘Lai’ silo in a ttang cang” tikha si. Cun R Siang Lian Thang chim rihmi pakhat ahcun “raldohnak in raldohnak training Center ttha tein tuah le ngeih hmasa abiapi deuh’ a timi kha si. Cuti cun kan Chin ralkap hna hi fimthiam nak lei zong ah kahdohnak lei zong ah an thiam chinchin lai.

Ahlan ah ralbawi training kai nak ca’h Kachinram ah kan rak kal, a tucu a rauh hlan ah kan Chinram ah ralbawi trainng Center zong ka sak cang lai i internationally level a si lai. Tu hi 30% hrawng cu kan dih cang i vawlei le hmunhma zong kan zoh dih cang, ram chung le ram leng a um mi kan Chin miphun nih na kan dir pi a hau. A bik in ram leng ah a um mi kan Chin miphun zaanghlei cawi nan hau” tiah forhfial nak bia a chim.

Tulio CNF/A cu mupi bang sangpi in a zuang thluahmah cang lai,a ruang cu Pathian ttih le upatmi an simi nih chungchin ah a hlorh hna lai. Bawipa bochan bu in ral a tumi nih teinak an hmuh tawn ti sikha muh. Hriamtlaih tikah dinfelnak tel lo cun hlawh atling kho lo;pumpak zawn iruahnak tehna le a miakmai kawl chih in dothlennak a hruaitu cu; pakpalawng kan timi nakin a chiahru deuhmi a si. Hruaitu hna pumpak pakhat cio cungah Chinland pi hi aa hngatmi a si caah tulio kan caan te hi manngei taktak in Chinland mipi le hruaitu hna nih hman izuam hna usih.

Cun, Chinland mipi zong nih kan khuaruah ning tampi thlen kan herhtuk ve, “Think and say positively,You will see positive results and productives” asi kho lai lo, mahti a si e cutin a si ko lai cuh/biasiphai in khua na tuaktan le na ruah pengah cun mah a phi cu na hmuh lai;a tthatuk asi khotuk ti in na ruahah cun atthami a phi cu na hmuh ko lai.

Tutan ah Chinmiphun nih Chinram kan lak le tei lo ahcun kan thih lo hlan ralhrang uknak tangah kan um cang lai,cu ralhrnag uknak tangah na tefa le nau hna tthanlianh ter na duh lai lo; cu na duh lo mi kham khawhnak cu, Chinland hi kan lak hau,Chinram chungah ummi miphun dang ralkap/ralhrnag hi kan dawi hna a herh. Cu kan dawi khawhnak dingah nunpek in hriamtlai tu dirpi hna usih, ramleng na um le na tangka in rak dirpi ve. Crd. Chinland 7 Post

Be the first to comment

Leave a Reply

Your email address will not be published.


*