Sam Nih A Hmai Cu A Khuh Hna Caah Fiang Tein Ka Hmu Kho Lo.

Kawl Ralkap Lutlai Min Aung Hliang Cu Tlang Cung Hriam Tlai RCSS Nih: Tlang cung miphun hriamtlai a simi RCSS nih hin a tu lio kawl ram buainah ah hin kawl ralkap a cozah thar a rak chuak lai caan cu kan hngah lio a si ko tiah a chim i cu nih a langhtermi cu a herh ningin kan cawlcang te lai tiah a chim. Kawl ralkap le RCSS nih an kar ah an tuahmi bilateral Agreements cu zohcham in hmai ah kan kal lai tiah a chim i a tu lio kawl ram buainak a hrampi a simi Min Aung Hliang ruangah hin RCSS le kawl ralkap kar ah deihnak le i upat hmaizahnak a ummi zong an vaivuan khomi a si i tiah a chim.

RCSS hi kawl ralkap he kah deihnak a sermi tlang cung hriam tlai a si i a tu lioah hin kawl ram mipi an zate dengmang in kawl ralkap uknak cu an doh lio a si i duhlonak an langhternak zong a linsa ngaingai lio a si. Cu caah a tu hi RCSS zong a thin a phang ngaingai i a ruang cu kah deihnak ser ciami hi a rawk tthan sual lai i kawl ralkap he hin ai rem lomi le ai ralmi kan si sual lai tiah a phang caah a si. Cun a miphun le a te fa hna caah kawl ralkap kut tangah an luat khawhnak ding zong kha a saduhthah cu a si chih ve.

Lai tuanbia rel a huammi mipi caah. Lam A Tlaumi Vanmi Part-1: Newspaper catlap ah rian a lawngmi an chiah chihmi cu din loin ka zoh i rian ka kawlnak ah suimilam zoh zong thei ti loh. Alarm ka chiahmi zinglei suimilam 4 cu a van awn i cu bakin cun zinglei pei a si cang hi tiah ka van theih ceo a si. Ka thawpi cu ka chuah i tu zan caah cun za rih seh tiah ka ti cu ticun ka mit benh cu kai phoih i cabuai cungah ka chiah. Ruah nih cun din loin a sur i ka umnak inn cung cih cu ruah fang nih a peh peh in an tlak ko hna.

Zei a si paoh ah thaizing ah ka hawipa Edward nih rian pakhat khat a hmuhmi cu a um theo te lai i cu cu ka hngah a hau rih ko. A tu cu ka it phawt ve rih lai tiah biachahnak cu ka lung chungin ka tuah. Rian loin ka um hi a sau cang i a um ciami phaisa zong a dih lei a panh cuahmah cang. Keimah bantuk catang ngei ve lo caah cun rian hmuh hi a fawi lo ngai bantuk in rian hi i thim awk a tlawm. Cu ti a si caah rian hi chun zan in ka kawlnak hi a si.

A donghnak ah ka thawpi cu ka chuah i tuzan caah cun za rih seh ka ti i cu ticun ih zai cu ka rel i it kai timh lio bak ah ka room inn hnu lei ah kutka cu fak ngaiin ai awn thawng cu ka hei theih. Ka lau ngaingai. Ruah nih le a tuk tuk ttek nih a tla pah fawn. Mithla hlah maw si tiah khin ka hei ruat pah. Ka dai thlang ngai ruah sur lakah ka hawipa inn in ka rak lawi caah inn hnulei kutka cu ttha tein ka rak hrenh ta lo timi kha ka hung theih. Thlitu nih kutka a hranh caah kutka cu a mah le a mah ai khak i a si lai tiah ka ti i va hrenh dingin ka tho i ka hei kal. Inn hnulei kutka cu a rak i awng taktak i thli zong cu a hrang tuk lem lo caah zei nih dah a awnter ti hi ka ruat pah. Cun kutka hram ah minung kalnak a cinmi keneh hna cu ka hmuh caah ka lau ngaingai ko.

Cu lioah ka ke bakin kut pahnih nih a rak ka tleih i ka lau tuk caah ei ka nu tiah ka au. Ka ke cu ka van zoh cu minung pakhat nih a kut hnih in a rak tleih ko cu ka hmuh. Ka hmai ah cun a khuk ai bil i a sam a sau ngaimi a lu cu tang ah a khun. Ka ke cu fek tein a tleih i a kut cu a ther pah. Zaangfahnak tein na inn ah ka dorter ko mi dang cu an inn kutka ai hrenh dih cang le hi ti hin cun ka thi lai tiah aw ther ngaiin a chim. A aw ka theih bakin nu a si timi cu ka theih i zei dah hi tluk tlai ah nu nih cun hi ti hin a um tiah ka ruat colh. Saupi khua ruat ti loin a poi lo a ngah ko ra ra inn chung ah na thil hna an cin dih kha nai thleng la ka ti i a liangin ka tleih i ka thawh. Cun inn chungah ka hruai. Inn chungah kan lut i ka ihkhun cungah ka tthutter.

Cun a rannak in ka hnipuan a lummi cu ka chuah hna i a pawngah ka chiah piak. A lu cu ai khun peng caah sam nih a hmai cu a khuh hna i fiang tein ka hmu kho loh. Hi hi i thleng mu coka ah rawl ka ser la tiah ka chimh. Cun coka ah ka kal colh. A chim lawng ka chim rawl hleimi zong a um loh. A thar in chumh a hau ko ka ti i rian rang taktak in rawl chumh cu ka thawk. Kai rian ranh tuk ruangah facang cu ka thlek sual i coka ttuang cungah cun an i tthek hna. A rannak in ka khuk kai bil i ka ruh hna.

Cu lioah innpi lei cu ruah lo piin ka hei zoh duk sual. Ei ka nu tiah ka au i ka lau tuknak ah hnulei bak ah ka vai hlonh ko. Innpi lei ka zoh ah khan a ke cu ka hmaika te bak ah ka hmuh caah a si i movie chung mithla hna khi a lo pah. Zei hmanh a chim loh i coka ah a rak lut ve. Cun a dir i khua a hoi a hoi i apple pum khat a tangmi cu a lak zau i a kawk pah in innpi ah a kal tthan. Cun apple cu a ei pah in rawl tuah ti duh hlah hi hi kai za ko tiah a kal pah in a ka chimh.

Be the first to comment

Leave a Reply

Your email address will not be published.


*