Sandah Piak Mi Khawp Mipi Nih US Ralkap Le US President Rak Kan Bawm U Tiin An Au Cang.

Myanmar mipi nih myanmar ralkap le Police an i bochan duh ti lo.Myanmar ralkap le Police an cihmih an duh cang hna timi cu vawleipi theih in an langhter taktak ko cang. Cu lawng si loin Min Aung Hlaing kan doh piak, hramhram in Mipi Cozah uknak an kan chuah mi hi kan hal piak tthan tiah US President Joe Biden zong an sawm cang ti si.

Tutan thil bantuk in Kawlram ahcun a cang bal lomi, Kawl ralkap hrim nih cun an huat taktak mi asi. Kawl ram mipi tampi cu ralkap hramhram uknak duh lonak langhter ding in khuapi chung ah an chuak tthan cang hna. Cu ahcun “US President Joe Biden kan bawm timi Poster an i tlaih dih, cu lawng si loin USA Army kan bawm uh, Kawl ralkap hi kan doh piak hna uh tiah US President USA Army bomh halnak Poster pawl zong an i tlaih dih hna hi asi.

Lungfak ngai a si ko, Kawlram venhim tu ding ah Ralkap le Police kan ngei ve ko nain ralhrang ah mipi nih kna ruah dih cang hna. Ralkap le Police kut in kan him ti lo caah Kawlram mipi nih bochan ding kan ngei ti lo, cu caah US President le USA ralkap sin tu ah Kawlram mipi nih kan bawm hram uh tiah bomhnak an hal cang hna hi asi.

“US, UK le a hawile vialte nih Kawl ralkap cung ah zeibantuk dantatnak nan tuah mi paoh Kawlram mipi nih kan cohlan dih. Kawl ralkap hi US ralkap nih kan doh piak hna uh. Kawlram hi kan khamh hram uh. USA ralkap bomhnak kan herh cang. Kawlram ah ralkap kut in kan him ti lo. UN le US nih Kawl ralkap hi dantatnak kan pek piak hram hna uh” tiah mipi hna nih Poster i ken in Kawlram zalam pi ah an au hi asi.

Atu ah US nih Kawl ralkap ralbawi cung ah sanction hmang in dantatnak cu a tuah cang. A si nain Kawl ralkap lei nih an thiltuah mi ngol an tim hlei lo. Cu caah Kawlram mipi nih USA ralkap cawlcanghnak hrim a herh ti tiang in an hal hi asi.Hi hmanthlak pawl hi Kawlram mi dihlak, Chin mi dihlak zong nih kan timeline cio ah tar hna usih, US Embassy zong ah va hmuhsak uh sih law US pi nih an kan zuan hnawh colh khawh men ko.

Joe Biden nih Statement a pek lio ah “Kawlram buainak hi US rampi humhimnak zong a hnorsuan khawh mi asi” tiah fiang ko in a chim cang. Cu caah US ralkap cawlcanghnak hi Joe Biden nih a tuah taktak nak in ahcun Kawlram mipi nih a tu bantuk in, pianghlang taktak in aunak zong hi a biapi ngai mi asi.

Be the first to comment

Leave a Reply

Your email address will not be published.


*