Sandah Piak Mi Pawl Caah Theih Ding,Police Le Ralkap Nih An Nin Tlaih Hna Ah C un.

Tulio Myanmar ram buainak ah hin mipi cu chun ah duhlo nak ser in lamzawh zungzal a si i, Palik le ralkap pawl cu zandeuh ah hin an cawlcang ve. Zan ah Tleih an duh mi minung hi an tleih tawn hna i an va panh tawn hna. An tleihkhawh mi minung an um lioah tleihkhawh lo mi zong an nei ve thiamthiam.Palik le ralkap nih mitleih an timh tik le an duh tik ah, tleihnak ding ca sullam a nei mi a um hrimhrim a hau i cu bantuk ca a um lo asiah cun, mipi nih el khawh nak nawl an nei ve.

Tleihkhih siloin bia kan in hal ta lai rak kan zulta ko timi zong hi hmanhram an i thok cang. Zan siloin chun ah rak ka hruai te ko ti zong in an bia el khawh a si.Zan ah palik si lole ralkap nan inn i an rak rat ah cun biahal kan in duh sakhan ah rak kan zul an inti sual ah cun, Mah hi hi palik taktak a si maw cun, ralkap taktak a si maw khuabawitlang nih an van zulchih hna maw timi zong thaten na zoh lai. Cun zeiruang ah dah timi kha na hal hna lai a herh bik mi a si.

Ralkap nih an tuahmi 2008 daan hrampi bantuk asiah cun, Minung pakhat nih a mah thinlung a um mi cu, zalong tein au nak nawl a nei. Cu ruang ah cun lamzawh nak an neih mi hi sual a ai loh i cu bantuk ruangah tleihkhawh nak nawl an nei ve loh. Asinain cu bantuk can ah cun thilri an rawk, palik cung ah kut an thlak ,ramri an nor ti bantuk belte ah cun tleihkhawh a si ve.Zan ah palik le ralkap mitleih ding in an vah nak hmunhma pawl cu, Myanmar ram chung ramkulh le ramthen tiin khuapi aiawh le hmun liandeuh mi pawl ah a si i Chinmi umnak hmun ahcun Hakha , Falam, Mindawt , Matupi , Tedim le Kalaymyo pawl ah an si.

Credit : Vapual auaw

Be the first to comment

Leave a Reply

Your email address will not be published.


*