Sandah Piak Nak I Lam Hruai Tu Hmasa Bik, Ei Thinzar Muang Thongpang Nih Cun Mipi A Lauter Tuk Ko Hna.

A poi tuk e: Tutan Ralkap duhlo Sandah piahnak a hruai hmasa biktu Ei Thinzar Maung thawngpang nih mipi a lau ter.Tutan Ralkap nih hramhram in ram mipi uknak, nawlngeihnak an langh mi kong ah hmaisuang in mipi a hruai hmasa biktu, Ralkap duh lo langhternak Sandah piah a hruai hmasabik tu Ei Thinzar Maung thawngpang nih mipi a lau ter ngai ngai.

Ei Thinzar Maung hi November 8, 2020 rampi thimnak (general election) ah aa cuh ve mi, Kawlram MP Candidate vialte lak ah ngakchia kum nobik, uar a um bik mi zong a si. Mi raltha, ram mipi himnak le rampi luatnak caah cun a nunnak zong thap ngam in hmaisuang in mipi a hruaitu, ram mipi zong nih an uar ngai ngai mi asi.

Tutan Ralkap nih hramhram uknak an lak hnu zong ah hmaisuang in a kal, mipi a hruai hna i nihin tiang din lo tein mipi sin ah Sandah piahnak ah aa tel zungzal. Nihin zing ah khan a mah pumpak nih “Keimah cu Ka Party nih an kan dawi, Party member sinak in an kan chuah, zeiruang ahdah an kan chuah timi zong ka thei lo, official tein Party in chuahnak ca cu kan i pek lai an ti, thawng an kan thanh cang nain official catlap tu cu ka si ah a phan rih lo” tiah a tarlangh.

Rampi luatnak caah le rampi Democracy caah nitin te din loin a cawlcangh lio ah, a mah a dirnak ramkhel Party le Mino bu nih chungtel sinak in an dawi ko cu a poi taktak. A tu tiang ahcun zeiruang ahdah party chungtel sinak in an dawi timi a mah zong nih a hngal ve rih lo.

Be the first to comment

Leave a Reply

Your email address will not be published.